Një avion ushtarak mallrash është rrëzuar në Savannah të Georgias me 5 persona në bord. Rrëzimi i avionit erdhi gjatë kryerjes së një trajnimi ushtarak. Avioni u nis nga Porto Riko dhe u rrëzua disa milje larg pistës së aeroportit.
Lajmi konfirmohet nga Forcat Ajrore të Amerikës, të cilat thonë se bëhet fjalë për një avion “C-130” të Gardës Ajrore Kombëtare.
Rrëzimi në fakt nuk ka ndodhur në pistën e aeroportit, por disa milje më larg në një autostradë, shtoi më tej zëdhënësja Candace Carpenter, ndërsa reja e dendur e tymit ishte e dukshme edhe nga aeroporti. Ndërkohë nuk bëhet e ditur gjendja shëndetësore e të rrëzuarve në vendngjarje.
“Ishte e tmerrshme. Toka u trondit si të ishte një bombë e hedhur aty. Të gjithë njerëzit në godinë u kapluan nga paniku. Ishte me të vërtetë e tmerrshme”, thanë të pranishëm në vendngjarje.
