Një helikopter ushtarak është rrëzuar në Pakistan, dhe si pasojë e kësaj ngjarjeje të rëndë kanë mbetur të vdekur katër ushtarë.
Helikopteri u rrëzua të shtunën në rajonin Gilgit-Baltistan "për arsye teknike" ndërsa transportonte trupin e një ushtari në spital.
Pakistani ka një rekord të rrëzimeve të shpeshta të avionëve dhe helikopterëve gjatë viteve.
Në gusht 2015, 12 njerëz u vranë kur një helikopter ushtrie u rrëzua në veriperëndim. Në maj të të njëjtit vit një helikopter i ushtrisë u rrëzua në një vendpushim në kodrat piktoreske të Gilgit duke vrarë shtatë vetë.
Gilgit-Baltistan është një rajon autonom i rëndësishëm strategjikisht që kufizohet me Kinën, Afganistanin dhe Kashmirin.
Komento
Komente
