Tre persona kanë humbur jetën pas një aksidenti ajror në Angli, ku një helikopter ra në një fushë në Ishullin e Wight, gjatë një mësimi fluturimi.
Helikopteri, në bordin e të cilit ishin katër persona, përfshirë dhe pilotin, ra në një fushë pranë Ventnor.
Shërbimet e urgjencës u njoftuan në orën 9:24 të mëngjesit dhe u nisën menjëherë drejt vendit të ngjarjes, ku helikopteri kishte rënë pranë rrugës A3020 Shanklin.
Një zëdhënës i Policia e Hampshire dhe Isle of Wight tha se tre persona kanë humbur jetën në aksident, ndërsa një tjetër ndodhet në spital në gjendje kritike.
Dega e Hetimeve të Aksidenteve Ajrore (AAIB) njoftoi se një hetim është duke u zhvilluar për të përcaktuar shkakun e këtij aksidenti tragjik.
Komento
Komente
