Sporti në zi. Ndërron jetë në mënyrë tragjike nga një aksident ajror ish-basketbollisti i njohur i NBA-së Kobe Bryant së bashku me vajzën 13-vjeçe. Legjenda e basketbollit amerikan dhe botëror humbi jetën nga një aksident ajror, pasi helikopteri me të cilin po udhëtonte u rrëzua në Kaliforni.
Kampioni 41-vjeçar ishte në bordin e helikopterit të tij privat me vajzën, shoqen e saj me të atin, por së bashku me pilotin të gjithë humbën jetën. Helikopteri u përfshi nga zjarri në momentin e rrëzimit duke mos u dhënë asnjë mundësi shpëtimi.
Bryant luajti për dy dekada me Los Angeles Lakers. Ai ka qenë pjesë e ekipit të NBA All Star për 18 herë, ndërsa ka fituar shumë tituj në karrierën e tij para se të tërhiqej në vitin 2016. Në 2018 ai fitoi edhe një çmim "Oscar" për filmin e shkurtër “I dashur Basketboll”.
Në flakë helikopteri ku po udhëtonte Kobe Bryant
Bota e futbollit është shokur me vdekjen tragjike të legjendës amerikane Kobe Bryant. Reagimet kanë qenë të shumta jo vetëm nga ish-kolegët e tij të basketbollit, por edhe klubet e mëdha të futbollit dhe personalitete të sportit.
“Të shokuar me vdekjen e Kobe Bryant, një sportist shembull brenda dhe jashtë fushës. Ngushëllimet tona më të përzemërta familjes dhe të dashurve të tij. Pusho në paqe” ishte postimi i ekipit të Barcelonës. "Keqardhje për vdekjen e Kobe Bryant, legjendës së sportit botëror.
Klubi dëshiron të përcjell ngushëllimet e tij për familjen dhe miqtë e tyre për këtë humbje që ka tronditur botën e sportit" shkruan Reali i Madridit. Kevin Love shkruan “Të lutem jo. Të lutem zot jo. S’mund të jetë e vërtetë”.
I trishtuar nga vdekja shokuese e Kobe Bryant me vajzën është shfaqur edhe kryeministri i Shqipërisë, Edi Rama, i cili ka bërë një postim me një emoji duke qarë.
Presidenti i SHBA-së, Donald Trump e cilëson të tmerrshëm lajmin për vdekjen e Kobe Bryant. "Raportimet janë se basketbollisti i madh Kobe Bryant dhe tre të tjerë kanë vdekur pas përplasjes së helikopterit në Kaliforni. Ky është një lajm i tmerrshëm".
Rëndohet bilanci nga aksidenti tragjik që i mori jetën legjendës së basketbollit. Sipas medieve amerikane në bord Kobe Bryant ka qenë edhe me vajzën e tij, Gianna Maria 13-vjeçe, që ka humbur jetën.
Në flakë helikopteri ku po udhëtonte Kobe Bryant
Mediat amerikane kanë publikuar pamjet e vendit dhe të helikopterit në flakë në Kaliforni, që u mori jetën Kobe Bryant dhe katër personave të tjerë që ishin duke udhëtuar, në bord nuk ishte gruaja e legjendës së NBA-së.
Komente
Jemi me fat qe kemi jetuar ne kohen tende. Bota humbi nje yll ne humbem nje nga legjendat me te medha. R.I.P Kobe
Përgjigju