Prodhimi i shalqinit në fushat e Lezhës vijon të rritet, por problem mbetet mungesa e pikave të grumbullimit për tregtimin e këtij produkti.
Mbi 300 hektarë rezultojnë të mbjella më këtë kulture bujqësore në Zadrimë dhe Torovicë, ndërsa prodhimi është i bollshëm dhe mjaft cilësor.
Në mungesë të tregut për produktet bujqësore, fermerët po e shesin shalqinin në anë të rrugëve nacionale, por kjo sipas tyre nuk është zgjidhje.
Shitës dhe blerës thonë se çmimi është i favorshëm, por kërkojnë më tepër vëmendje ndaj sektori të bujqësisë.
“Has pak vështirësi në shitje, e kemi produktin cilësor, te shitja kemi një problem jo të vogël, pikë grumbullimi s’ka, do të dalim në treg vetë, kur vjen puna me e dorëzuar çmimi është shumë I ulët”, thotë një tregtar.
“Cilësia është bio, ai i importit nuk është cilësi e mirë. Treg duhet të ketë”, shprehet një tjetër.
Çmimi i shalqinit këtë verë varion nga 20 deri në 30 lekë kilogrami, ndërsa produktet vendase sfidohen edhe nga importi.
Komente
Si lushnja ene ju.mos mbill Kot me kot.
Përgjigju