FIER - Rritet me 200 lekë çmimi i biletës për të vizituar parkun Arkeologjik të Apolonisë, duke shkuar nga 400 në 600 lekë. Për të dielën e fundit në çdo muaj dhe ditët e festave dhe për fëmijët deri në moshën 12 vjeç bileta jepet falas.
Sipas drejtoreshës së Parkut Arkeologjik të Apolonisë, Ornela Dyrmishaj, rritja e çmimit të biletave është bërë për të përballuar mirëmbajtjen e parkut.
"Ndryshimi i tarifës është bërë duke pasur parasysh edhe mirëmbajtjen e siteve si dhe ndërhyrjet që janë bërë, por kryesorja është për mirëmbajtje pasi ka kosto. Tarifat që u ngritën janë bileta individuale 600 lekë, ajo e grupit 500 lekë dhe tarifat e reduktuara që është për pensionistët, nxënësit, studentët etj", Dyrmishaj.
Për pensionistët, personat me aftësi të kufizuar etj, tarifa është e reduktuar me 50 deri në 60%.
Parku Arkeologjik i Apllonisë është monument i trashëgimisë kulturore.
Komente
