Çmimi i naftës, benzinës dhe i gazit janë rritur me vendimin e fundit të Bordit të Transparencës. Kështu nafta do të rritet me 6 lekë, ndërsa çmimi i benzinës do të rritet me 6 lekë e çmimi i gazit do të rritet me 2 lekë.
Nafta do të tregtohet me 202 lekë nga 196 që ishte më parë, benzina me 178 lekë nga 175 lekë ndërsa gazi ka shkuar në 71 lekë për litër nga 69 lekë/litri që ishte. Çmimet hyjnë sot në fuqi, në orën 18:00.
“Sipas Bordit referuar të dhënave lidhur me bursën Platts të datës 13.12.2022, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 713, +36 nga data 08.12.2022, $/ Ton, ndërsa çmimi i Gazoilit/Diesel është 868, +71 nga data 08.12.2022, $/Ton. Kursi i këmbimit i BSH 109.88 ( – 1.56 nga dt 8).
Si rrjedhojë çmimet e vendosura janë: Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 202 lekë/litri, ndërsa i shitjes me shumicë jo më shumë se 190 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 178 lekë/litri, ndërsa i shitjes me shumicë jo më shumë se 166 lekë/litër.
Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet. Çmimi i gazoilit për peshkim është vendosur 109 lekë/litër”, thuhet në njoftim.
