Gjatë 24 orët e fundit janë shënuar 294 raste pozitive me COVID-19 dhe 17 viktima.
Numri i rasteve të reja në raport me ditën e djeshme është ulur pasi dje janë shënuar 329 persona të infektuar.
Shqetësues paraqitet fakti që numri i viktimave në vend gati është trefishuar në krahasim me dje, kur kanë humbur jetën 5 persona dhe sot 17.
Qytetet më të prekura vazhdojnë të jenë ato të ditëve të fundit me në krye Prishtinën, Pejën, Drenasin dhe Podujevën.
Pavarësisht se dita e sotme ka qenë një ditë e keqe për sa i përket viktimave si pasojë e koronavirusit, Kosova duket sikur po e përballon pandeminë më së miri. Sipas zëvendëskryeministrit të vendit Besnik Tahiri Kosova nuk e ka të nevojshme të ndërmarri masa të reja shtrënguese, pasi mjaftojnë këto të cilat janë në fuqi aktualisht. Në një mëndje me të bie dhe ministri i shëndetësisë Armend Zemaj.
