JAPONI- Një gjë e pazakontë ka ndodhur në Japoni, ku kryeministri Yoshihide Suga ka emëruar një ministër vetmie.
Ky pozicion sapo është krijuar dhe i emëruari është Tetsushi Sakamoto .
Vendim nga kryeministri i vendit ka ardhur, si pasojë i shtimit të numrit të vetëvrasjeve në vend, i cili është rritur ndjeshëm gjatë vitit të fundit edhe për shkak të pandemisë.
Ndërkohë një arsye tjetër e cila është kthyer në një shqetësim për Japoninë është ulja e lindshmërisë.
"Unë do të doja që ju të shqyrtonit çështjen dhe të krijoni një strategji gjithëpërfshirëse," i tha kryeministri japonez ministrit të tij të ri të Vetmisë.
Megjithatë Japonia nuk është vendi i parë në botë i cili emëron një ministër vetmie pasi në vitin 2018, një pozicion i tillë është krijuar në Britaninë e Madhe.
