Viti 2025 ka nisur me shifra pozitive sa i takon turizmit, pasi ka rritje të numrit të vizitorëve dhe të netëve të qëndrimit në strukturat akomoduese.
Me afro 27% u rrit numri i vizitorëve në janar të këtij viti në raport me vitin e shkuar, ku sipas INSTAT rritje me 41% ka pasur numri i vizitorëve të huaj.
“Vizitorët gjithsej u rritën me 26,9%, ku ata jo-rezidentë shënuan një rritje prej 41% dhe rezidentë 12,1%. Net qëndrimet gjithsej u rritën me 35,8 %, ku ato jo-rezidentë u rritën me 49,1%, ndërsa ato nga rezidentët me 19%. Rritja më e madhe e vizitorëve jo-rezidentë u shënua në zonat jo-bregdetare (+46,5 %) dhe në hotelet dhe akomodimet e ngjashme (+38,4 %). Norma e shfrytëzimit të dhomave në hotele arriti në 14,5%, krahasuar me 14,2% në Janar 2024”, thuhet në raportin e INSTAT.
Në Janar shumica e vizitorëve jo-rezidentë të cilët u akomoduan në strukturat pritëse në Shqipëri vijnë nga Italia (21%), Kosova (18%), dhe Gjermania (6%). Mbretëria e bashkuar dhe Franca kontribuuan përkatësisht me 6% dhe 5% të vizitorëve, ndërsa 44% e tyre ishin nga vende të tjera. Këto të dhëna reflektojnë prirjen e rritjes së turizmit hyrës nga tregjet kryesore të rajonit dhe Evropës.
Në janar Shqipëria u vizitua nga 560.396 shtetas të huaj me rritje 14.5% në raport me janarin e vitit 2024.
Komente
Jetoni të lumtur se u rrit numri i turistëve. Edhe eksportet janë rritur. Pse nuk e doni lajmin e mirë?
Përgjigju