Këshilli i Ministrave ka miratuar ditën e sotme indeksimin e pensioneve me 3.3 % nga 2.4 % që ishte parashikuar të indeksohej para krizës së rritjes së çmimeve për shkak të luftën në Ukrainë.
Ministra e Financave, Delina Ibrahimaj tha se për 3 muaj pensionistët që e kanë pensionin sa gjysma e pagës minimale ose me pak do të marrin 3000 lekë.
“3.3 % indeksim të pensioneve ose 3.3 mld lekë. Parashikimi fillestar ishte 2.4 % , megjithatë për shkak të rritjes së çmimeve indeksimi do të bëhet i rritur me 3.3 %. 2500 lekë është shtesa e në një familje mesatare lidhur me rritjet e çmimeve të shportës, ne kemi dhënë 3000 lekë”, tha Ibarhimaj.
Qeveria do të japë 3.3 miliardë lekë për indeksimin e menjëhershëm të pensioneve ku përfitojnë 673.542 pensionistë. Gjithashtu qeveria do të japë 30 mijë lekë të vjetra, për 3 muaj rresht, për këto kategori:
-Pensionistë që marrin më pak sesa gjysma e pagës minimale
-Pensionistë të invaliditetit
-Pensionistë që jetojnë vetëm
-Persona me aftësi të kufizuar, paraplegjikë, tetraplegjikë apo të verbër
-Të gjitha familjet që janë aktualisht në skemën e ndihmës ekonomike
Ministri i Drejtësisë, Ulsi Manja, ka bërë me dije sot se Shqipëria do të ratifikojë 2 konventa të reja të Këshillit të Evropës. E para ka të bëjë me aksesin e qytetarëve në dokumentet zyrtare dhe e dyta forcon mbrojtjen e të dhënave personale.
“Sot Këshilli i Ministrave kaloi dy projektligje të rëndësishme të Ministrisë së Drejtësisë, do të ratifikojmë 2 konventa të KiE, njëra për aksesin në dokumentet zyrtare dhe tjetra për mbrojtjen e të dhënave personale. Me ratifikimin e tyre bëhen pjesë e së drejtës tonë kombëtare. Ratifikimi I këtyre 2 konventa është tregues I vullnetit tonë për transparencë dhe pjesëmarrje të qytetarëve në vendimet publike. Rritet standardi i mbrojtjes së të dhënave personale. Janë 2 konventa të rëndësishme”, tha thënë Manja.
Komente
O hajdute je talent per kte pune.
PërgjigjuO plehra, inflacioni eshte te pakten dyfishi i 3.3%. Keni shkelur ligjin mbi indeksimin e pagave e pensioneve.
PërgjigjuPa ce ke dhen mi se esht me ligj indeksimi i cmimeve.
Përgjigju