Në Shqipëri rastet e infektimeve ditore janë rritur ndjeshëm me fillimin e vitit, gjë që reflektohet me festat dhe moszbatimi i duhur i pasave anti-COVID. Gjatë debatit në emisionin “Sot Live në Shqipëri”, epidemiologët Erion Dasho nga Gjermania dhe Genc Kapxhiu nga Italia kanë bërë thirrje që në Shqipëri të shtohen kategoritë për vaksinimin e detyrueshëm. Mjekët thanë se vaksinim i administratës dhe punonjësve të supermarketeve është vendim i mirë, por që duhet patjetër që të vijohet edhe me kategoritë e tjera.
“Masa e pasaportat së gjelbër vaksinimit ka dhënë efektin e saj për punonjësit e administratës dhe marketeve, në botë kjo kërkohet nga shumë më shumë kategori dhe kjo duhet të bëhej edhe në Shqipëri. Duhet të mbahet maska nga njerëzit, ndërsa në Shqipëri ka mbingarkesë në marke, autobusë dhe maska as nuk mbahet”, tha Dasho.
“Mosmbrojtja për festa ka sjellë rritje të infektimeve ditore, por nëse aplikojmë rregullat dhe mbajtja e maskave ne çdo lloj ambienti brenda dhe jashtë atëherë virusi do të parandalohet shumë shpejt. Duhet të shtohen kategoritë e vaksinimit dhe kërkimit të pasaportës së gjelbër”, tha Kapxhiu.
Në të gjithë botën infektimet po rriten me ritme të shpejta për shkak të varianti Omicron, ndërsa kohët e fundit po qarkullon një tjetër infeksion “Florona” që është mbivendosje e dy infeksioneve, atë të COVID-19 dhe gripit. Për mjekun Dasho edhe ky është një rrezik pasi njerëzit tashmë duhet të luftojnë dy viruse brenda trupit dhe jo vetëm një patogjen si në rastin kur kishin vetëm COVID apo vetëm grip.
“Në Shqipëri nuk ka pajisje që vërteton ka Florona apo jo por mund të konstatohen raste sporadike të mbivendosjes së dy infeksioneve. Kjo kërkon një nivel më të lartë kujdesi, krahasuar kur është i infektuar vetëm me një patogen. Shqipëria duhet të ketë sa më shpjet kapacitete teknologjike për verifikimin e prezencës së tyre”, tha ai
Nëse do të ketë më variante të reja të COVID-19 ajo jo nuk mund të thuhet ende, por mjekët Dasho dhe Kapxhiu u shprehën se “variantet shfaqen ne vendit ku nuk ka imunizim masiv dhe as vaksinim dhe për këtë duhet punuar në gjithë botën që njerëzit të vaksinohen.”
