Rrjet i amortizuar, mungesë të energjisë elektrike, luhatje të tensionit. Janë këto vetëm disa nga problematikat me të cilat përballen banorët e fshatin Pistullë në njesinë administrative te Hajmelit ne Bashkinë Vau Dejes.
Një fshat i cili paguan rregullisht faturat e energjisë elektrike, por qe po perballet me një neglizhencë të punonjësve të Oshee të cilët nuk kryejnë sherbimin dhe as nuk mirembajnë rrjetin e amortizuar të furnizimit me energji elektrike.
Banoret te revoltuar kanë reaguar në qendër të fshatit duke i kërkuar Operatorit të Shpërndarjes së Energjisë Elektrike të ndërhyjë sa më parë pasi situatë është e papranushme.
Si merren paratë me zor kur mua më fikin dritat katër herë në ditë?
Banor i zonës
Banorët nëpërmjet medias i drejtohen që të hedhin syte edhe ndaj kesaj zone e cila po perballet me nje situate aspak normale.
Ndërkohë që stina e dimrit po afron situata e furnizimit me energji në fshatin Pistullë vijon të mbetet e pandryshuar, e ajo që i pret banorët janë orët e gjata pa drita në shtëpit e tyre.
Komente
