Fshati Picar, vetëm 15 km në veri të Gjirokastrës vuan prej shumë vitesh mungesën e energjisë elektrike. Banorët thonë se nisjen e reshjeve defektet janë më të shpeshta.
“Kjo ndërprerje bëhet në mëngjes. Nga ora 07:00 deri në 09:00. Pastaj vijnë pak. Fiken prapë. Nga ora 12:00 deri në mëngjes s’takohen”, tha një banor i zonës.
Banorët detyrohen të paguajnë kandil me vajguri për ndriçim.
“Është e pa durueshme të fiken dritat sikur po tallen”, u shpreh një tjetër.
“Mbrëmë nuk kishte. Me intervale fiken”, tregoi një banor i fshatit Picar.
Intervalet e ndërprerjes së energjisë elektrike janë të vazhdueshme gjatë ditës, edhe pse banorët i paguajnë rregullisht faturat.
“Tani kemi problem me dritat. Sa bie shiu i parë fiken”, shtoi një banor.
“Edhe i paguaj. Jemi ankuar 300 herë, por nuk kanë ardhur”, përfundoi një tjetër.
Mungesën e vazhdueshme të energjisë elektrike e vuajnë edhe fshatra të tjera të Njësitë Administrative te Picarit dhe Çepos përfshirë fshatin Humelicë, Golem, Shtëpëz. Shkaku kryesor është amortizimi i rrjetit elektrik, ku prej vitesh nuk është kryer asnjë investim.
