Një shtëpi dy-katëshe është djegur pasi u godit nga rrufeja sot në Drenovicë, Berat.
Rrufeja ka rënë në çatinë e banesës duke djegur katin e dytë. Në momentin e rënies së zjarrit në banesës e dy vëllezërve Gramoz dhe Ferdinand Golemi, familjarët dhe fëmijët ndodheshin në katin e parë. Fqinjët u kanë ardhur menjëherë në ndihmë banorëve, duke i ndihmuar të dalin nga shtëpia. Asnjë prej banorëve nuk është lënduar, ndërsa shtëpia ka pësuar dëme të mëdha.
Menjëherë në vendngjarje kanë mbërritur zjarrfikësit e bashkisë e Dimal, ku kanë shuar plotësisht flakët.
Komento
