Dhjetëra protestues u mblodhën përpara Drejtorisë së Policisë në Kukës. Protesta e paralajmëruar për herët u zhvillua për lirimin e 11 të arrestuarve për aktet vandale në ‘Rrugën e Kombit’ të shtunën e kaluar. Në protestë merrnin pjesë qytetarë kuksiane si dhe të afërm të të arrestuarve.
Protestuesit mbanin në duar pankarta me emrat e të arrestuarve si dhe me thirrje kundër qeverisë. Për rreth një orë përpara Drejtorisë së Policisë së Kukësit, protestuesi kërkuan lirimin e të afërmve të tyre, ndërsa paralajmëruan se nuk do tërhiqen.
11 personat e ndaluar nga policia si autorë të dhunës ndaj efektivëve të cilët u qëlluan me gurë dhe sende të forta, si dhe djegies së sporteve të koncesionarit në ‘Rrugën e Kombit’ u lanë në arrest me burg nga Gjykata e Tiranës një ditë më parë.
Ndaj tyre rëndojnë katër akuza kundërshtim dhe ushtrim dhune ndaj forcave të policisë, shkatërrim të pronës publike si dhe tubim për tubim të paligjshëm.