Në rrugë, lagje dhe në pragun e shtëpive, kudo ku hedh këmbën në qytetin e Elbasanit has në pirgje me mbeturina. Qyteti është zhytur në plehra prej një jave pasi kompanisë së pastrimit, "Victoria Invest", i ka përfunduar kontrata me bashkinë e Elbasanit.
Por jo vetëm kaq. Në rrugët e Elbasanit tashmë nuk do të ketë as kosha mbetjesh. Një aksion ka filluar së fundmi nga punonjës të kompanisë që po bëjnë heqjen e kazanëve nga qyteti.
Aktualisht ky aksion ka filluar në çdo lagje e rrugë të Elbasanit. Report Tv sjell pamje ku duket mungesa e kontejnerëve.
Paaftësia e bashkisë për të zgjedhur në kohë kompani të re ka bërë që qyteti të mbetet pa pastruar prej një jave. Klisni Lala, Drejtor i Punëve Publike në Bashkinë e Elbasanit tha për Report TV pak ditë më parë se po presin përgjigje nga Agjencia e Prokurimit Publik për kompaninë e re që do të merret me pastrimin e qytetit.
Lajm në përdiësim...
Komente
Thuaji suelit se ai ia gjen telat .. ti thot ktyre legenave te vitoria invest ti kthejn koshat ene te fillojn pastrimin
Përgjigju