Banorët e fshatrave Gjeroven, Molisht, Plashnik e Veleshnje protestuan sot për rrugën, ndërsa në mbështetje të tyre doli i deleguari politik i PD-së në qarkun e Beratit, Enno Bozdo. Sipas banoreve, bashkia ka filluar asfaltimin vetëm 3 për km rrugë duke lene jashte projektit rreth 12 kilometra të tjera.
“Jemi 4 fshatra pa rrugë, pa drita. Kam makinën në shtëpi por lëviz me mushkë se është gjithë gropa. Po hedhin asfalt ne nje segment por nuk e zgjidh problemin e gjithë fshatrave sepse e kane lënë në mes”, thanë ata.
Bozdo deklaron se asfalti elektoral nuk eshte zgjidhje per qindra banore qe jetojne ne zonen me te madhe prodhuese të qarkut te Beratit.
Po kështu, banorët e Libonikut në Maliq ankohen për amortizimin e rrugës, rreth 500 metra që lidh fshatin me varrezat. Gjatë periudhës së dimrit, janë të detyruar të përdorin mushkat për shkak të gropave. Kryeplaku tha se është ankuar tek kryetari i bashkisë por i ka thënë se investimet infrastrukturore kanë “radhë”.
“Është në gjendje të keqe, këtu nuk kalojnë makinat në kohën e dimrit. Ecim në këmbë ose me mushka”, thanë ata.
Probleme të tjera janë mungesa e mjekëve dhe uji i pijshëm në disa lagje të Libonikut.
Komente
Po boka punë dhe fushat të bukur Lefteri me protesta mbas 35 vite demokradhi.
PërgjigjuEdhe elbasani per mushka esht ber
Përgjigju