Bllokimi i aksit Milot-Fushë Mamurras në të dyja kahet - vetëm për 15 minuta nga Rrugorja e Lezhës solli trafik të rënduar.
Edhe pse uniformat blu njoftuan më herët qytetarët se ky bllokim u bë për shkak të riparimit të një linje elektrike, trafiku në këtë aks ishte i pashmangshëm.
Situata u normalizua sërish pas ndërhyrjes së policisë.
"Policia Rrugore njofton qytetarët se në orën 12:00, do të bllokohet qarkullimi i automjeteve në të dyja kahet e autostradës A1, në Fushë Mamurras.
Qarkullimi do të bllokohet për rreth 15 minuta, për të garantuar sigurinë e personelit teknik që do të kryejë punimet për riparimin e linjës së energjisë elektrike që është ndërprerë për shkak të erës.
Policia Rrugore kërkon mirëkuptimin e drejtuesve të automjeteve për devijimin e qarkullimit dhe për respektimin e sinjalistikës rrugore", njoftoi sot policia.
Komente
