Titulli: “American Dream”
Autor: Eris Rusi
Shtëpia Botuese: Toena
Çmimi: 1700 lekë
Beqir Potka arratiset nga ‘ferri’ komunist. Greqia do të jetë një rrugë e ndërmjetme, që do të pasohet me të tjera vuajtje, derisa të mbërrijë tek “American dream”. Historia shqiptare e shkruar nga Eris Rusi, ka mbërthyer lexuesit duke bërë që libri jo vetëm të ribotohet, por edhe të përkthehet në anglisht. Një nga elementët më intrigues të prezantimit të romanit, ishte prania e vetë protagonistit për të cilin Rusi shkruan.
Titulli: “Mashtrimi”
Autore: Julie Clark
Shtëpia Botuese: Mediaprint
Çmimi: 1300 lekë
Një identitet sipas nevojës, Meg Uilliams është një mashtruese profesioniste, por gazetarja Keti Roberts që e gjurmon prej 10 vitesh është e vendosur që të hakmerret ndaj saj. Elona Qose sjell në shqip thrillerin familjar “Mashtrimi”. Një histori intriguese ku autorja bestseller Julie Clark zhytet në psikikën e dy grave, që ngulmojnë të vënë drejtësi për të shkuarën e tyre, në ngjarje ku asgjë mund të mos jetë siç mendohet.
Titulli: “Krenari dhe paragjykim”
Autore: Jane Austen
Shtëpia Botuese: Pegi
Çmimi: 1400 lekë
Mbi dy shekuj pas botimit të parë, “Krenari dhe paragjykim” mbetet një nga romanet më popullorë të letërsisë angleze. Gjergj Kaftani e risjell me një gjuhë të kuruar në shqip librin që autorja Jane Austen e konsideronte si “Fëmijën e vet të dashur”. Ndonëse ngjarjet ambientohen në një fshat anglez në fund të shekullit XVIII-të, përmes përballjes romantike të Elizabet dhe të dashurit të saj krenar, Darsit, Austen sjell një shfaqje plot finesë të një debati të qytetruar.
