Deputetja Rudina Hajdari ka vizituar dy ditë më parë shkollën “Shejnaze Juka”, në Shkodër, një klasë e së cilës u dogj nga mbështetësit e opozitës, pasi ishte zgjedhur të shërbente si KZAZ për zgjedhjet e 30 qershorit. Hajdari premtoi se do të jepte rrogën e saj si deputete për rregullimin e shkollës, por pas vizitës ka konstatuar se investimi është bërë nga Bashkia e Shkodrës. Megjithatë, ajo shprehet se rrogën e kaloi për të blerë librat artistikë dhe një kompjuter. "Me datë 05.07.2019 vizitova shkollën “Shejnaze Juka” me qëllimin për të investuar rrogën time në ambientet e shkollës pas ngjarjes së datës 18.6.2019. Pas vizitës time u konstatua se pas investimit të bërë nga Bashkia Shkodër, nuk ishte i nevojshëm një investim tjetër i këtij lloji.
Pas bisedimeve me drejtorin e shkollës, Z. Kolë Shiroka, u pa e arsyeshme që shuma e parashikuar nga paga ime të shkojë për librat artistikë, të cilat janë të integruar në kurrikulat mësimore, të vlefshme për të tre vitet e gjimnazit, t’i shtohen bibliotekës së shkollës. Këto libra do të shërbejnë si për 500 nxënësit që janë aktualisht të rregjistruar në shkollë, ashtu edhe për brezat e tjerë që do vijnë në vitet e ardhshme. Duke qenë libra, të cilat janë të detyrueshëm të lexohen për gjatë 3 viteve shkollore, të gjithë nxënësit që nuk kanë mundësinë të pajisen me libra do të kenë akses falas në bibliotekë për të tërhequr librin që u nevojitet.
Gjithashtu, në funksion të tyre do të vihet në dispozicion dhe një kompjuter, i cili do të shërbejë dhe do të funksionojë për nxënësit për realizimin e projekteve, detyrave të kursit apo aktiviteteve të tjera të ngjashme gjatë gjithë vitit. Ju uroj të gjithëve një të dielë të këndshme" shkruan Rudina Hajdari.
Komente
E bija e te atit ajo vajze.Zemren e madhe dhe burrneshe.Bravo.
PërgjigjuNje gjest simbolik e positiv qe duhet vleresuar. Mund te ndermarre edhe nje nisme ligjore si deputete: rritjen e denimit me burg per ata qe cenojne shkollat
PërgjigjuDo ishe me mire rrogen ta leje per nje fukara qe ska BUKE per te ngrene se SHKOLLEN e riparon BASHKIJA me taksat e popullit SHUME SHPEJT PRITET ANTARSIMI YT NE GRUPIN ERILINDJES
PërgjigjuPse moj vajze? I vjedhin komitat e Bashkis moj vajze, I perdorin per molotove,sendvice pe protestuesit me border ne bashki.Gabim!!!!!!
PërgjigjuRudina ti je shkolluar ne perendim je edhe e plagosur se te kane vrare babain bishat e terbuara prandaj mundohu te besh me te miren per ne popullin tone te telendisur nga kjo opozite rrugesh
PërgjigjuBravo Rudina ...kombi yn ka nevoj per njerez si ti qe je ndjeksa e gjurmeve te babait tend te pavdekshmit Azem Hajdarit !