Kryetarja e Grupit Parlamentar Demokrat, Rudina Hajdari ka takuar sot ambasadorin e Bashkimit Europian, Luigi Soreca dhe atë Gjerman në Tiranë, Peter Zingraf. Hajdari shkruan në rrjetin e saj social Twitter se gjatë takimit ka marrë mbështetjen e ambasadorit për Reformën Zgjedhore.
"Sot falenderova Ambasadorin Luigi Soreca për mbështetjen e tij për Reformën Zgjedhore dhe shpreha nevojën për një sistem të ri zgjedhor, më gjithëpërfshirës dhe më demokratik", shkruan Hajdari pas takimit me Soreca-n. Sa i takon takimit me ambasadorin Gjerman, Hajdari shkruan "E lumtur që pata mbështetjen e Ambasadorit Gjerman, z. Peter Zingraf, për Reformën Zgjedhore pasi i shpjegova të gjitha objektivat e opozitës parlamentare për këtë reformë.
Hajdari është bashkëkryetare e Komisinit për Reformën Zgjedhore, komision i përbërë nga opozita parlamentare dhe mazhoranca. Opozita jashtë parlamentare nuk ka anëtarë në komisionin e reformës zgjedhore, por kryeministri Rama i ka dhënë të drejtën e vetos për kodin e ri zgjedhor.
Komente
