Shqipëria dhe Rumania hedhin hapin e parë për njohjen reciproke të pensioneve. Gjatë vizitës zyrtare në Rumani, ministri për Europën dhe Punët e Jashtme Igli Hasani dhe ministrja për Punën dhe Mbrojtjen Sociale, Brucura Oprescu nënshkruan ‘Marrëveshjen administrative për zbatimin e marrëveshjes së sigurimeve shoqërore”.
Kjo marrëveshje do të garantojë qytetarët e të dy vendeve të përfitojnë nga kontributet e tyre dhe të marrin pensionet. Sipas ministrisë së Jashtme janë rreth 700 qytetarë shqiptarë që jetojnë dhe punojnë në Rumani që përfitojnë nga kjo marrëveshje. Ndërkohë të dy vendet po punojnë për të finalizuar marrëveshjet në fushën e arsimit dhe kulturës.
Në takimin që patim me homologen rumune, Luminita Odobescu, ministry Hasani vlerësoi mbështetjen e Rumanisë në rrugëtimin e Shqipërisë drejt Bashkimit Evropian, teksa vuri theksin tek nevoja për përshpejtimin e procesit të integrimit për rajonin e ballkanit.
“Rumania do të vazhdojë të jetë një mbështetëse e parezervë e procesit tonë të integrimit në BE, jo vetëm politikisht, por edhe me ekspertizë teknike, duke përcjellë përvojën rumune. Plani i Veprimit për Bashkëpunimin për dy vitet e ardhshme parashikon Integrimin Evropian si një nga fushat më të rëndësishme të bashkëpunimit dypalësh”, tha kryediplomati shqiptar.
Gjatë konferencës për shtyp Ministri Hasani vlerësoi rolin e komunitetit shqiptar në Rumani dhe të minoritetit arumun që jeton në vendin tonë, si elementë të rëndësishëm në marrëdhëniet mes dy vendeve. Dy homologët Hasani dhe Odobescu nënshkruan edhe Memorandumin e Mirëkuptimit në fushën e trajnimeve diplomatike.
Në të njëjtën kohë, po punohet për të finalizuar marrëveshjet në fushën e arsimit dhe kulturës, ndërkohë që mes dy vendeve është rritur ndjeshëm numri i turistëve.
Falë fluturimeve direkt Tiranë-Bukuresht dhe anasjelltas, gjatë vitit 2023, numri i turistëve rumunë në Shqipërisë u rrit me 62%, ndërsa vetëm gjatë periudhës janar-maj 2024 kjo shifër arriti në 172%.
S.B//ReportTv.alKomente
![](https://www.report-tv.al/template/img/antipiracynote.jpg)
Rumania nuk na mbeshtet per ne BE por e ben per aparence. E ka mendjen te zhvate ndonje gje nga Shqiperia ashtu sic beri ne Kongerencen e ambasadoreve ne Londer ne 1912 ku kerkoi zyrtarsht krahinen e Myzeqese. Ka enderr te dale ne Adriatik.
Përgjigju