Shefi ekzekutiv i Bajern Munihut, Karl-Heinz Rummenige, ka ngritur zërin dhe ka nisur një fushatë për kthimin e transmetimit të Ligën e Kampionëve falas në televizion. “Kohët e fundit Sport Bild ka publikuar numrin e teleshikuesve, minus 84%, që kur Liga e Kampionëve nuk transmetohet më në ZDF. Duhet të bëjmë diçka, të gjejmë një marrëveshje në mënyrë që për periudhën e ardhshme, 2021-2024, të paktën një ndeshje, mundësisht një ndeshje e nivelit të lartë, të shihet falas nga tifozët,” ka thënë legjenda e klubit bavarez në një intervistë për Sport Bild.
Rummenige e sheh si një problem edhe për sponsorët. “Televizionet me pagesë ofrojnë kontratat më fitimprurëse në tregun e televizioneve, por nuk duhet të harrojmë se edhe kontratat e sponsorizimit në Ligën e Kampionëve janë shumë fitimprurëse. Nëse audienca bie me 84%, do të thotë që këta sponsorë nuk po shërbehen si duhet. Duhet një miks i drejtë mes TV me pagesë dhe atij falas, përndryshe Liga e Kampionëve do të pësojë dëme të mëdha për shkak të braktisjes nga sponsorët”, ka thënë mes tjerash Rummenige.
Komente
