Qyteti i Rostovit në Rusi, një nga qytetet pritëse të Botërorit 2018, është vënë nën alarm prej disa minutash. Forca të shumta policie kanë rrethuar dhe evakuuar një hotel, pasi dyshohet të jetë vendosur eksploziv.
Pranë hotelit “Toppos Congres” përveç forcave të shumta të policisë, kanë mbërritur edhe zjarrfikëset dhe ambulanca, që po qëndrojnë në gatishmëri.
Mediat ruse raportojnë se ky hotel është renditur në listën e hoteleve zyrtare të FIFA-s dhe që i është nënshtruar masave të forta të sigurisë, pasi mund të presë delegacione zyrtare.
Në qytetin e Rostovit u luajt sfida mes Kroacisë dhe Islandës, ndaj në ambientet e hotelit kanë qenë rreth 210 persona, si dhe stafi në dispozicion.
Komento