Një i moshuar i vuri flakën vetes në mes të një rruge të mbushur me njerëz në Shën Petersburg teksa mbante në dorë një tabelë me mbishkrimin ‘Gëzuar ditëlindjen Putin' i cili dje më 7 tetor, presidenti rus mbushi 68 vjeç.
Biznesmeni 71-vjeçar u shtrua në spital në gjendje të rëndë me djegie të shkallës së parë dhe të dytë në 45% të trupit.
Ky është rasti i dytë në Rusi brenda një jave, pasi gazetarja e pavarur Irina Slavina vdiq të premten e kaluar pasi i vuri flakën vetes përpara selisë së Ministrisë së Brendshme në Nizhnij Novgorod, një qytet në Vollgë 400 kilometra larg nga Moska.
Para se të sakrifikonte veten, ajo shkruajti në faqen e saj në Facebook
"Ju lutem, fajësoni Federatën Ruse për vdekjen time".
Slavina drejtoi KozaPress, një faqe e vogël lokale e lajmeve por e famshme për moton e saj "pa censurë dhe urdhra nga lart".
Një ditë para vdekjes, ai shkroi në Facebook se oficerët e policisë dhe detektivët i kishin plaçkitur banesën e saj, duke kërkuar "broshura, fletëpalosje dhe raporte" nga grupi opozitar Open Russia, i financuar nga manjati kritik i Kremlinit Mikhail Khodorkovsky. Slavina tregoi se si policia kishte sekuestruar fletore, dosje, laptopë dhe pajisjet e tjera elektronike, përfshirë laptopin e vajzës së saj dhe telefonin celular të burrit të saj.
Komente
