Janë bërë publike disa pamje të tmerrshme të bodrumit ku një pedofili dyshuar mbante një djalë shtatë vjeçar, i çliruar së fundmi nga autoritetet ne Rusi.
Fëmija ishte duke kthyer në shtëpi kur u rrëmbye nga Dmitry Kopylov, 26 vjeç, i cili raportohet se ka abuzuar seksualisht me viktimën. Fatmirësisht djali u shpëtua dhe u bashkua me prindërit e tij pas një këmbimi informacioni mes Interpol dhe strukturave të inteligjencës në Perëndim dhe Rusisë. Forcat speciale ruse u detyruan të thyenin një derë çeliku për të hyrë në vendin e fshehtë.
Kopylov ishte zbuluar nga autoritete perëndimore kur mburrej për pengmarrjen e djalit, në forume të ndryshme në internet.
Bunkeri i nëndheshëm i izoluar, kishte një krevat në stil burgu dhe një ngrohëse. Ai ishte i fshehur nën shtëpinë e Kopylov në Makarikha, në rajonin Vladimir rreth 185 milje larg Moskës.
Kur policët e armatosur bastisën ndërtesën, i dyshuari ishte i ulur në divan me djalin.
Mediat lokale thonin se i dyshuari i kishte bërë “lavazh truri” fëmijës.
Kur policët bastisën vendin dhe një prej tyre e mbante djalin në krahë, ai i kritikoi që thyen dritaren.
Kur u pyet nëse dëshironte të kthehej këtu më vonë, i vogli tha: “Nëse dëshironi të kthehem, do të kthehem. Por është më mirë të mos e bëj”.
Një kërkim i gjerë me mijëra policë e ushtarë u krye për gjetjen e djalit., ndërkohë që frikësoheshin se ai mund të ishte vrarë.
Kolonelja e forcave speciale Irina Volk, tha se informacionet mbi djalin kishin ardhur nga “kolegët e huaj mes kanaleve të Interpol”.
Besohet se specialistët e SHBA kanë luajtur rol kyç në zbulimin e identitetit të pedofilit.
Sekretari i përgjithshëm i Interpol, Jürgen Stock tha: “Një djalë i vogël është rikthyer aty ku e ka vendin, me familjen e tij, falë specialistëve të dedikuar dhe veprimit të shpejtë të autoriteteve në botë”.
Por ai paralajmëroi: “Megjithëse jemi të lumtur për fundin pozitiv të ngjarjes, shumë fëmijë të tjerë janë ende në pritje të shpëtimit”.
