Presidenti rus, Vladimir Putin nënshkroi një ligj që pezullon pajtueshmërinë e vendit të tij me Traktatin e Armëve Bërthamore për raketat me rreze të shkurtër dhe të mesme veprimi, traktat i nënshkruar që nga epoka sovjetike.
Traktati Ndërkombëtar i Forcave Bërthamore (INF), nënshkruar nga SHBA dhe Bashkimi Sovjetik në vitin 1987, ndalonte lëshimin e raketave nga toka në rastet e një lufte bërthamore në një distancë prej 500 deri në 5 500 kilometra.
SHBA bënë të ditur këtë vit se do të pezullonin pjesëmarrjen në traktat me pretendimin se Rusia e kishte shkelur atë duke zhvilluar një raketë të aftë për të vepruar brenda rrezes së ndaluar.
SHBA i kishin vendosur Rusisë si afat muajin gusht, ndryshe SHBA do të tërhiqej zyrtarisht nga marrëveshja.
SHBA-ja njoftoi në shkurt tërheqjen nga traktati i rëndësishëm për raketat bërthamore me këto rreze veprimi.
Komente
