Ish-kryetari i parlamentit ukrainas Andryi Parubyi, u vra këtë të shtunë në qytetin Lviv të Ukrainës. Mediat lokale shpërndanë pamjet ku duket se Parubyi është duke ecur në trotuar në një zonë të qytetit të Lvivit dhe vrasësi, për të cilin autoritetet janë vënë në ndjekje, është një burrë i maskuar si shpërndarës i kompanisë Glovo.
Autoritetet konfirmuan se Parubyi është qëlluar me tetë plumba nga vrasësi, i cili pasi e qëlloi atë nga afër, u largua me një biçikletë elektrike. Për ngjarjen reagoi Presidenti ukrainas Volodymir Zelensky, i cili tha se të gjitha forcat dhe mjetet e nevojshme janë të angazhuara në hetime dhe në kërkimin e vrasësit.
Arsyet e vrasjes së ish-kryetarit të parlamentit ukrainas deri më tani mbeten një mister, ndërsa autoritetet nuk kanë dhënë indicie për pistat e hetimit.
Ndërkohë pas sulmit masiv në Kiev, ku u vranë 23 persona, Rusia ka shënjestruar me raketa dhe dronë gjatë natës njëkohësisht disa rajone të Ukrainës. Të paktën një person u vra dhe 22 të tjerë u plagosën, përfshirë tre fëmijë. Viktima u shënua në Zaporizhia, ku sulmet dëmtuan 40 shtëpi, 14 pallate dhe disa objekte industriale.
Shpërthime u dëgjuan në zonat e Pavlohrad, Dnipro, Chernihiv, Lutsk e Cherkasy. Ukrzaliznytsia, operatori shtetëror hekurudhor i Ukrainës, raportoi se infrastruktura hekurudhore u dëmtua në Kiev, duke shkaktuar disa orë vonesa në nisjet e trenave. Sipas presidentit Zelensky, rusët lëshuan 540 dronë, 8 raketa balistike dhe 37 raketa të tjera.
Zelensky i bëri thirrje komunitetit ndërkombëtar që të kalojë nga fjalët në vepra për të dënuar Rusinë. Edhe presidenti francez, Emmanuel Macron, që duket se ka nisur një ‘luftë’ fjalësh me Moskën, nuk kurseu komentet për Putinin. Lideri francez iu referua atij si një përbindësh dhe se ka qasje autokratike.
Kyiv Independent raporton gjithashtu se një raketë e dytë balistike ruse u lëshua më pas në qytetet lindore të Ukrainës rreth orës 05:00 të mëngjesit. Në përgjigje të sulmit, Polonia ngriti avionë luftarakë rreth orës 05:00 të mëngjesit për të mbrojtur hapësirën e saj ajrore, thanë Forca Ajrore Polake në mediat sociale.
"Në përputhje me procedurat e përcaktuara, komandanti operacional i Forcave të Armatosura Polake ka aktivizuar të gjitha forcat dhe burimet në dispozicion të tij", shkroi Forca Ajrore Polake në X, duke shpjeguar se "masat e marra synojnë të sigurojnë sigurinë në zonat që kufizohen me ato që janë nën kërcënim".
Sulmi i ri ndaj Ukrainës vjen vetëm dy ditë pasi Moska nisi një sulm ajror në shkallë të gjerë kundër disa qyteteve ukrainase, përfshirë Kievin. Sulmi i 28 gushtit ndaj kryeqytetit ukrainas rezultoi në 23 vdekje dhe dhjetëra të tjerë të plagosur. Në mesin e ndërtesave të dëmtuara ishte edhe ajo e zyrës së delegacionit të BE-së dhe Këshillit Britanik.
Lajmi për vrasjen e ish Kryeparlamentarit të Ukrainës Andryi Parubyi u pasua nga pamjet e aktit të rëndë. Mediat ukrainase shpërndanë pamjet ku duket se Parubyi është duke ecur në trotuar në një zonë të qytetit të Lvivit. Vrasësi, për të cilin autoritetet janë vënë në ndjekje, është një burrë i maskuar si shpërndarës i kompanisë Glovo. Sipas pamjeve por edhe sipas konfirmimeve që mediat lokale kanë marrë nga autoritetet, Parubyi është qëlluar me tetë plumba nga vrasësi. Pasi e qëlloi Parubyin nga afër, autori i armatosur, i cili kishte veshur një helmetë, u largua me një biçikletë elektrike.
Foto: Andriy Parubiy
Ish-kryetari i parlamentit ukrainas, Andriy Parubiy, u qëllua sot për vdekje në Lviv, njoftuan autoritetet ukrainase.
“Viktima vdiq në vend si pasojë e plagëve të marra. I ndjeri është një figurë e njohur publike dhe politike i lindur në vitin 1971”, thuhet në raportin e policisë, që sqaron se po merren të gjitha masat për të identifikuar autorin e sulmit dhe vendndodhjen e tij.
Parubiy drejtoi Parlamentin nga viti 2016 deri në 2019 dhe më herët pati shërbyer si Sekretar i Këshillit të Sigurisë Kombëtare dhe Mbrojtjes.
Parubiy ishte ndër themeluesit e partisë së ekstremit të djathtë Svoboda dhe më vonë u afrua me grupet pro-evropiane, siç është "Atdheu" i Yulia Tymoshenkos.
Sipas pamjeve të kapura nga kamerat e sigurisë së Lvivit, një burrë i maskuar si shofer shpërndarjeje Glovo dyshohet se ka qëlluar tetë herë me armë zjarri drejt tij. Pasi e vrau Parubyi-n nga afër, vrasësi, me fytyrë të maskuar, u largua me një biçikletë elektrike.
Ukraina shkatërroi dy ura brenda Rusisë, duke përdorur dronë për të goditur minat e vendosura aty nga vetë rusët në rast përparimi të ukrainasve. Sipas forcave të Ukrainës, urat pranë kufirit me rajonin e Kharkivit, po përdoreshin nga rusët për të furnizuar trupat e tyre. Pamjet e filmuara nga një kamera në distancë tregojnë një shpërthim të madh.
Për shkak të rëndësisë së tyre strategjike, urat ishin të minuara, në mënyrë që ushtria ruse të kishte mundësinë t'i hidhte në erë në rast të një avancimi të papritur të Ukrainës. Brigada e 58-të e Këmbësorisë së Motorizuar e Ukrainës, e cila kreu operacionin, tha për CNN se vendosën ta shikonin urën nga afër pasi vunë re një aktivitet të pazakontë përreth saj.
“U bë e qartë se diçka po ndodhte atje. Ne nuk mund të fluturonim një dron të rregullt zbulues nën urë sepse sinjali zhdukej, kështu që fluturuam me një dron i pajisur me fibra optike”, tha një përfaqësues i brigadës për CNN.
Vendndodhja gjeografike e urave është në rajonin e Belgorodit në Rusinë jugore, pranë kufirit me Ukrainën.
Presidenti francez, Emmanuel Macron, i cili e quajti homologun e tij rus Vladimir Putin një "grabitqar", hodhi poshtë kritikat nga Moska për komentet e tij dhe denoncoi përsëri "prirjen autokratike" të Kremlinit. Komenti presidenti francez erdhi pas fyerjeve nga Moska kundrejt tij.
"Kur themi se ka një vigan në portat e Evropës, besoj se kjo përshkruan atë që gjeorgjianët, ukrainasit dhe shumë kombe të tjera ndiejnë thellësisht: një njeri që ka vendosur të shkojë drejt autoritarizmit dhe autokracisë dhe të ndjekë imperializmin revizionist", deklaroi ai.
Pas sulmeve të reja masive gjatë natës në disa rajone të Ukrainës, presidenti Volodymyr Zelensky i bëri thirrje komunitetit ndërkombëtar të kalojë nga fjalët në veprime. Rusët, shkroi presidenti ukrainas në një postim në Telegram, lëshuan "gati 540 dronë, tetë raketa balistike dhe 37 raketa të tjera".
Ai tha se në Zaporizhzhia u godit një ndërtesë banimi 5 katëshe, ku humbi jetën një person dhe dhjetëra të tjerë u plagosën, duke shtuar se nga sulmet u prekën edhe Volyn, Dnipro, Donetsk, Zhytomyr, Zaporizhzhia, Ivano-Frankivsk, Kiev, Rivne, Sumy, Kharkiv, Khmelnytskyi, Cherkasy, Chernivtsi, Chernihiv.
"Ne pamë reagimin e botës ndaj bombardimeve të mëparshme. Por tani, me Rusinë që demonstron përsëri se nuk i interesojnë fjalët, ne po mbështetemi në veprime konkrete", shtoi Zelensky.
Komente
Ukraina eshte "Kali Trojes" per masakren dhe pushtimin e Palestines.
PërgjigjuKomuniteti nderkombetar e guarantoi Ukrainen per mbrojtje prandaj I detyrohet
PërgjigjuO antii Rus kuur nuk kupton si funksionon bota je si puna jote mjeran qe iken vetem me ate qe te ofrojne mediat se mendjen nuk e ve dot ne perdorim se nuk ke . Nuk kam pare ndonje perendimor te sanksionoje ose te izolohe ciffutet qe po bejne masaker ndaj nje populli te pambrojtur , po per ate cfare te kane sugjeruar mediat o i mjere
PërgjigjuMakaroni eshte nje politikan shume mikroskopik per te kritikuar Putinin , nese Europa vertet do te deshironte paqen nuk kishte perse te kerkonte futjenn ee Ukraines ne Nato por e linte vend neutral si kishin bere mareveshjen vite me pare prandaj ndodhi ky reagim i ashper i Rusise sepse u provojua nga perendimoret
PërgjigjuO trap, ja paske dhënë shpirtin shejtanit. Asgjë nuk e justifikon sulmin rus ndaj ukrainës. E pësofsh si femijte ukrainas qe vret idhulli jot, krimineli Putin.