Rusia ka shpallur "persona non grata" një numër të paspecifikuar të punonjësve nga misionet diplomatike të Suedisë, Polonisë dhe Gjermanisë, duke thënë se ata morën pjesë në protestat të cilat kërkonin lirimin e kreut opozitar Aleksei Navalny.
Ministria e Jashtme tha në një deklaratë se ambasadori suedez, i ngarkuari me punë i Polonisë dhe i dërguari gjerman u thirrën në ministri, ku atyre iu paraqitën ankesat e qeverisë ruse në lidhje me "pjesëmarrjen e punonjësve diplomatikë "në tubimet e 23 janarit.
"Diplomatët pjesëmarrës në protesta e paligjshme u shpallën" persona non grata "në përputhje me Konventën e Vjenës për Marrëdhëniet Diplomatike të 18 Prillit 1961. Ata u urdhëruan të largoheshin nga territori i Federatës Ruse në të ardhmen e afërt," thuhet në vendimin e qeverisë ruse.
Lideri opozitar rus u arrestua me 17 janar pas kthimit nga Gjermania, pas qëndrimit atje për 5 muaj pasi u shërua nga helmimi me agjentin nervor rus Novichok.
BE dhe SHBA kanë reaguar kundër vendimit të gjykatës dhe arrestimit të tij, kërkesa që Rusia i ka konsideruar si përfshirje në politikat e brendshme të vendit.
