Të paktën pesë persona janë vrarë në sulme nga forcat ukrainase dhe ruse. Tre persona u vranë në një sulm me raketa në fshatin rus Maslova Pristan, në rajonin e Belgorodit, rreth 15 kilometra larg kufirit. Guvernatori rajonal Vyacheslav Gladkov tha se një sallë sportive u shkatërrua pjesërisht.
Në Ukrainë, një sulm rus në qytetin jugor të Khersonit vrau një çift të moshuarish. Rusia lëshoi të paktën 183 dronë mbi territorin ukrainas midis mbrëmjes së djeshme dhe mëngjesit të sotëm, raportuan Forcat Ajrore Ukrainase.
Nga ana e saj, Ministria Ruse e Mbrojtjes tha se ka kapur 53 dronë ukrainas gjatë natës, shumica e tyre mbi Belgorod. Ndërkohë, presidenti rus Vladimir Putin e ka cilësuar edhe njëherë vendimin për të pushtuar Ukrainën si të drejtë.
“Vendimet e marra në shkurt 2022 ishin të sakta dhe në kohën e duhur”, tha ai gjatë një takimi me krerët e Ministrisë së Mbrojtjes Ruse dhe Shtabit të Përgjithshëm lidhur me atë që e ka cilësuar si “operacion ushtarak” në territorin ukrainas të nisur në shkurt të vitit 2022.
Putin pretendoi se këtë vit, Forcat e Armatosura ruse kanë “çliruar” gati 5,000 kilometra katrorë territor dhe 212 vendbanime në Ukrainë.
Lajm në përditësim….
Foto: Sergei Ryabkov
Rusia përsëriti sërish propozimin e saj drejtuar SHBA-së - e cila ende nuk është përgjigjur - për të ruajtur për një vit kufirin e numrit të raketave strategjike të përcaktuara në traktatin e New Start. Afati skadon shkurtin e ardhshëm, me kusht që Shtetet e Bashkuara të mos miratojnë masa që mund të perceptohen nga Moska si "një përpjekje për të ndikuar negativisht" në "potencialin e saj të parandalimit bërthamor".
Vendimi përfshin vendosjen e sistemeve të mbrojtjes anti-raketore në hapësirë, tha zëvendës Ministri i Jashtëm Sergei Ryabkov.
"Propozimi rus është i vlefshëm me kusht që "Shtetet e Bashkuara të mos ndërmarrin masa gjatë këtij viti që mund të dëmtojnë barazinë dhe ekuilibrin ekzistues në fushën e stabilitetit strategjik", theksoi Ryabkov.
Kjo do të thotë, shtoi zëvendësministri, se Uashingtoni "nuk miraton masa në fushën e mbrojtjes strategjike të raketave që ne mund t'i perceptojmë si një përpjekje për të ndikuar negativisht në potencialin tonë kombëtar të parandalimit bërthamor". Kjo duhet të përfshijë që SHBA-të të përmbahen nga ndërmarrja e iniciativave për të "lançuar ose vendosur sisteme përgjimi anti-raketore në hapësirë".
Moska i kërkon Shteteve të Bashkuara një qëndrim “të arsyeshëm dhe të përgjegjshëm” lidhur me mundësinë e dërgimit të raketave Tomahawk në Ukrainë, duke theksuar se një veprim i tillë do të përbënte një ndryshim rrënjësor të situatës. Kështu deklaroi zëvendësministri i Jashtëm rus, Serghei Ryabkov, i cituar nga agjencia Interfax. Shtetet e Bashkuara, shtoi Ryabkov, duhet të përmbahen nga nisma strategjike që Rusia mund t’i konsiderojë si përpjekje për të ndikuar në kapacitetin e saj të zmbrapsjes bërthamore.
Komente
