Punonjësit e sektorit shtetëror nga 1 korriku, do të kenë një pagë të re. Me vendimin e fundit të qeverisë rriten pagat që nga ushtria deri tek burgjet, arsimi e shëndetësia. Por sa lekë do të marrin shtesë këta punonjës?
Sipas qeverisë rritja për Forcat e Armatosura do të vijojë nga 7% deri në 22%, ku rritja më e madhe do të jetë tek ata që kanë pagën më të ulët. Për zjarrëfikësit është parashikuar rritje pagash deri në 30%, ndërsa për punonjësit e burgjeve rritja nis nga 13% deri në 27%.
Ndërsa për mësuesit rritja është nga 20 mijë lekë deri në 22.8 mijë lekë sipas nivelit arsimor, dhe për punonjësit e shëndetësisë rritet me 20 mijë lekë rroga për mjekët dhe me 15 mijë lekë për infermierët.
A do të ketë tjetër rritje pagash për shtetin?
Njëzëri ministrat pas mbledhjes së qeverisë thanë se reforma e pagave për ta çuar mesataren në 900 euro, konsiderohet e realizuar, por theksuan se kjo nuk do të jetë rritja e fundit e rrogave.
“Pagat e Forcave të Armatosura do të rriten çdo vit”, tha Peleshi.
“Unë shpresoj dhe besoj se kjo nuk do të jetë rritja e fundit e pagave”, tha Manja.
Me këtë rritje pagash të miratuar sot (26 qershor 2024) paga mesatare në sektorin shtetëror arrin në 105 mijë lekë. Për këtë rritje të pagave, që është e fundit e reformës së ndërmarrë nga qeveria në vitin e kaluar, vetëm për periudhën korrik-dhjetor 2022 nga buxheti i shtetit do të shpenzohen afro 108 milionë euro për rritjen e pagave. Fatura do të rritet më tej në vitin e ardhshëm pasi për të mbajtur këtë nivel të ri pagash nga buxheti i shtetit do të shpenzohen afro 390 milionë euro.
Paralelisht me këtë rritje, prej 1 janarit 2026, të gjitha pagat e sektorit shtetëror do të indeksohen me normën e inflacionit. Indeksimi i rrogave të administratës do të bëhet një herë në dy vite.
Komente
Po per punonjësit e bashkisë pse nuk flitet?? Por ju ka rritur administratës dy herë nga 1500 lek dhe punonjësve i kane gënjyer me 2000 lek rritje ???
PërgjigjuPo per ne njerzit e thjeshte qe nuk njihemi nga shteti punojm si kafsha dhe vdesim dhe pa pension pleqerie .Qa do behet me ne
PërgjigjuPo krijoni pabarazi ndermjet privatit dhe shtetit
Përgjigju