Goli sensacional në kampionat kundër Bazelit i ka rezervuar një vend në formacionin e javës në Zvicër futbollistit të Luganos dhe kombëtares shqiptare Armando Sadiku. 27-vjeçari i cili po rimëkëmbet nga dëmtimi i gjatë u fut si zëvendësues në pjesën e dytë kundër Bazelit dhe realizoi një eurogol nga një distancë prej 25 metrash.
Në përshkrimin e bërë nga gazeta “BLICK” për përzgjedhjen në formacionin e javës thuhet se Armando Sadiku “dhuroi spektakël me një goditje sensacionale nga jashtë zone”.
VIDEO/Goli i Armando Sadikut
Ndërkohë Ermir Lenjani, edhe pse vendosi rekord në Superligën zvicerane, nuk është përzgjedhur në formacionin e javës. Mbrojtësi i Sionit, që së fundmi bëri një deklaratë të fortë në lidhje me ish-trajnerin e Kombëtares Christian Panucci, në ndeshjen e kampionatit kundër Luzernës shënoi golin më të shpejtë në histori, që në sekondën e 9.
Një zgjedhje disi e çuditshme duke patur parasysh faktin se Lenjani përveç golit dhe edhe asistin në golin e dytë të shënuar nga Sion. Gjithsesi askush nuk mund t’ia mohonte kënaqësinë e rekordit shqiptarit, i cili në rrjetet sociale bëri edhe një falenderim:
“Shumë i lumtur që jam futur në historinë e futbollit zviceran për golin më të shpejt të shënuar. Falenderimi i takon Zotit.”
Komente
