Nuk kanë të ndalur detajet e ‘sagës’ Jeffrey Epstein.
Pasi 'Daily Mail Online' hodhi në tregun mediatik një foto të shkrepur në vitin 2010 në Manhattan ku shfaqet princi Andrew shfaqet pas një dere në vilën e miliarderit të akuzuar si manjak seksual, ka ardhur dhe reagimi.
Duka i Jorkut, princi Andrew, ka shkruar në Twitter se ishte "i shokuar" nga akuzat për abuzim seksual në drejtim të tij dhe ish-mikut Jeffrey Epstein.
Nga ana tjetër i indinjuar është shfaqur dhe Buckingham Palace përmesë një deklarate ku thuhet se "Duka i Jorkut u trondit nga raportet e fundit për krimet e supozuara të Jeffrey Epstein. Lartësia e Tij dënon shfrytëzimin e çdo qenie njerëzore dhe sugjeron që çdokush që abuzon të dënohet”
Buckingham Palace gjithashtu ka lëshuar mohime të forta për pretendimet e një gruaje e cila tha se ajo ishte e detyruar të çonte fëmijën e saj të kryente marrëdhënie seksuale me dukën.
Virginia Roberts deklaroi në dokumentet gjyqësore në Florida se ajo ishte e detyruar të bënte seks me Andrew kur ishte 17 vjeçe.
Ajo gjithashtu ka pretenduar se kishte bërë seks me Andrew "tre herë, përfshirë një orgji" në Londër, në shtëpinë e Epstein në Nju Jork dhe në një orgji në ishullin e tij privat në Karaibe.
Por Buckingham Palace i ka quajtur këto akuza si "të rreme dhe të pabazuara", duke deklaruar se "çdo sugjerim i papërshtatshmërisë me të mitura nga duka ishte kategorikisht i rremë".
Epstein, 66 vjeç, vrau veten në qelinë e tij të burgut në New York pasi u akuzua për trafik seksi.
Komente
