Kreu i PL Ilir Meta, e ka cilësuar si vendim politik vendimin e Gjykatës së Apelit, e cila ditën e sotme ka lënë në fuqi vendimin e gjykatës së Shkallës së Parë që dënon me 1 vit burg deputetin e PD-së Ervin Salianji.
Në një konferencë për media, Meta u shpreh se kjo është përpjekje për ti ndaluar atij kandidimin në zgjedhje.
“Nuk ka nevojë që ti akuzojë ai, pasi gjykatat e kanë të shkruar në ballë që marrin vendime politike dhe kjo është hakmarrje e qartë ndaj Salianjit për denoncimet e bëra kundër trafikut të drogës ku të përfshirë janë eksponentë të qeverisë. Kjo është edhe një përpjekje për ti ndaluar atij kandidimin në zgjedhjet e ardhme dhe nuk pritej ndonjë surprizë nga një sistem drejtësie kriminal. Drejtësia është bërë partiake. Ka shumë pak akte të pavarura", tha ai.
Ambasadori britanik në Tiranë Nick Abbott deklaroi ditën e sotme se duhet që të fuqizohen institucionet e pavarura. I pyetur nga gazetarët lidhur me këtë deklaratë, Meta u shpreh se në këtë vend nuk ka institucione të pavarura.
“Duhet të krijohen, sepse s’ka asnjë institucion të pavarur”, tha ai.
Komente
Like po mbrin mashtruesin ordiner Salianjin dhe thua qe demo content mbjelljen kababisit ne nje kohe qe ishte ne fushat me donate ose me grure . Ai pinguin e bazoi hyrjen ne politike me mashtrime
Përgjigju