Receta

Sallatë me patate dhe vezë të ziera nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

21 Korrik, 11:46| Përditesimi: 21 Korrik, 11:48

  • Share

Sallatë me patate dhe vezë të ziera

Përbërësit:

  • 4-5 patate mesatare
  • 1 qepë e kuqe ose qepë të njoma
  • 2 vezë të ziera (opsionale)
  • 2 lugë gjelle majdanoz i grirë hollë
  • 2 lugë gjelle uthull molle ose limon
  • 3-4 lugë gjelle vaj ulliri
  • 1 lugë mustardë
  • Kripë dhe piper i zi sipas shijes

Përgatitja:

Ziejmë patatet (me gjithë lëkurë) në ujë me kripë për rreth 25-30 minuta derisa të zbuten. Pastaj i ftohim pak dhe i qërojmë. I presim në feta ose kubikë të mëdhenj. Ndërkohë ziejmë vezët për 8-10 minuta, i ftohim dhe i presim në copa. Në një tas.hedhim patatet, qepën e prerë hollë, vezët, majdanozin. I spërkasim me vaj ulliri, uthull ose limon, mustardë, kripë dhe piper. I përziejmë butësisht që të mos shtypen patatet.

Këshilla nga Albana: Mund të shtoni edhe kastravec turshi, speca, ose kopër për më shumë shije.

MC/ReportTv.al
Komento

Komente

  • Sondazhi i ditës:

    9 vite nga reforma në drejtësi, a janë përmbushur pritshmëritë?