Pas mbështetjes që mori në Samit nga liderët e europës për mandatin e katërt, një mesazh i fortë vjen edhe nga SHBA. Dhëndri i presidentit Trump, Jared Kushner në një videomesazh në një prej forumeve me të rëndësishme ndërkombëtare ekonomike që u mbajt në Tiranë, e quan Edi Ramën një politikan të zotë. Ai thekson se kjo qeveri ka ndryshuar klimën e jetesës dhe e ka bërë Shqipërinë një vend të sigurt për të investuar.
Shumë e kanë pyetur përse po investon në Shqipëri. Por përgjigjen dhëndri i Presidentit Donald Trump, Jered Kushner, thotë se e sheh tek ndryshimi që qeveria Rama i ka sjellë vendit.
"Edi është një politikan shumë i zoti, i fuqishëm dhe lider i zgjuar. Qeveria në Shqipëri po bën punë që çon në investime, në zhvillim, turizëm, në rritjen e punësimit dhe pagave. Kështu që të gjitha gjërat e duhura po ndodhin", tha Kushner.
Kjo vjen si një përgjigje e fortë ndaj kreut të PD Sali Berishës humbësit të 11 majit, që ende nuk ka pranuar rezultatin, i cili pas mesazhit të fortë mbështetës që mori kryeministri Rama nga samiti i komunitetit politik europian në Tiranë, shpresën e vetme mund ta kishte te një qëndrim i SHBA, ku mund të ndikonte përmes lobimit të mistershëm 6 milionë dollarësh.
Por mesazhi i dhëndrit të Donald Trump, i cili në mandatin e parë ishte një prej këshilltarëve kryesorë të presidentit, është i qartë.
Përmes një videomesazhi në një prej forumeve ekonomike më të rëndësishme ekonomike që u mbajt për herë të parë në Tiranë, dhe u përshëndet edhe nga presidenti francez Emanuel Macron gjatë vizitës së tij të dytë zyrtare në Tiranë, Kushner, vlerësoi një tjetër projekt të qeverisë Rama, gjithashtu të kritikuar nga opozita e Berishës, aeroportin e Vlorës.
"U tërhoqa menjëherë nga vendi ku po ndërtohej aeroporti në Vlorë. Dhe është e qartë që një vend që ndërton një aeroport buzë detit, e bën këtë në vendin që mendon se është më i bukuri", vijoi Kushner.
Por përse zgjodhi të ndërtojë një super resort në një nga zonat më të bukura të Shqipërisë, ishullin e Sazanit.
"Gjithçka ka të bëjë me vendndodhjen – 60 milje nga Italia, 60 milje nga Korfuzi – dhe një aeroport i ri shumë afër. Kemi angazhuar një nga inxhinierët më të mirë në Europë për të ruajtur mjedisin", tha Kushner.
Me statusin e investitorit strategjik prej janarit, dhëndri i Trump, Jered Kushner, do të ndërtojë një resort me vlerë 1.4 miliardë dollar, edhe me shtetin shqiptarë pjesë të investimit.
Dhëndri i Donald Trump, Jared Kushner, ishte i ftuar këtë të shtunë Në Forumin Ekonomik Ndërkombëtar 'Future Investment Initiative Europe' që u mbajt në Tiranë, ku foli edhe për resortin turistik me vlerë 1.4 miliardë dollarë që do të ndërtojë në ishullin e Sazanit.
PYETJE: Kush do të jenë blerësit? Kush do të jenë vizitorët? Si shpresoni t’i tërhiqni?
DHËNDRI I TRUMP, JARED KUSHNER: E vetmja që e di me siguri është vetja ime, gruaja dhe familja ime. Pra, po e dizajnojmë këtë vend në mënyrë që të jetë një vend ku ne do të donim të kalonim verën. Dhe sa herë ua tregoj miqve tanë, ata më thonë: “Duam edhe ne një vend aty pranë.” Po tërheqim disa nga markat më të njohura në botë që duan të bëhen pjesë e kësaj. Dhe mendoj se do të jetë e jashtëzakonshme. Pra, po e dizajnojmë si vendi ku ne vetë do të donim të kalonim verën, dhe nëse e realizojmë mirë, besoj se edhe shumë familje të tjera do të duan të kenë një shtëpi aty ose ta vizitojnë shpesh.
PYETJE: Kur e nisët “Affinity Partners”, nuk mendoj se pasuritë e paluajtshme ishin pjesë e strategjisë tuaj. Si ndodhi që vendosët të bëni këtë ndryshim? Na tregoni edhe për investime të tjera që po konsideroni në Europë. Çfarë mundësish shihni në këtë pjesë të botës?
DHËNDRI I TRUMP, JARED KUSHNER: Kur isha në sektorin e pasurive të paluajtshme, gjithmonë më tërhiqnin tregjet që ishin të nënvlerësuara, por kishin të gjithë elementët e duhur. Në Nju Jork, isha në SoHo para se të bëhej shumë i njohur. Në Brooklyn para se të bëhej trend. Dhe në Jersey City para se të bëhej interesant. Të gjitha këto kishin të njëjtën gjë me Shqipërinë – themeli i duhur, por njerëzit nuk e kuptonin ende. Ndihesha sikur ishim dhjetë vjet përpara trendit. Po ashtu, përmasa, shkalla e mundësive dhe elementi qeveritar që ndihmon zhvillimin. Kemi pasur shumë sukses në Europë. Nuk kemi bërë shumë, por kemi investuar në një kompani në Gjermani që tani ka dyfishuar vlerën. Rritja e tyre ka qenë e jashtëzakonshme. Po ashtu kemi investuar në Revolut, që është ndoshta platforma më e mirë e teknologjisë financiare që është ndërtuar ndonjëherë. Po rritet me shpejtësi të jashtëzakonshme dhe jemi shumë krenarë për këtë.
PYETJE: A ka ndryshuar strategjia juaj e investimeve që kur vjehrri juaj, Presidenti Trump, mori detyrën? Dhe nëse po, si dhe çfarë shihni në strategjinë tuaj për tregje të tjera të hapura?
DHËNDRI I TRUMP, JARED KUSHNER: Vazhdojmë të bëjmë atë që kemi bërë gjithmonë. Kemi investuar tashmë rreth 2.5 miliardë dollarë. Më shumë se gjysma është në SHBA. Kemi disa investime ndërkombëtare, ku mendojmë se tregjet dhe mundësitë janë të çmueshme gabimisht. Po shoh diçka edhe nga një interes personal. Nuk e di nëse do të kualifikohet për fondin, por kam ndihmuar shumë Steven për të promovuar Marrëveshjet e Abrahamit – për të siguruar që ekzistueset të funksionojnë dhe për të gjetur mundësi të reja.
Jared Kushner, dhëndri i Donald Trump foli për resortet që do të ndërtojë në Sazan, përmes një videomesazhi në Samitin Ekonomik Ndërkombëtar që po mbahet në Tiranë. Kushner tha se ajo çfarë e bën të veçantë zonën ku do ndërtohet resorti është pikërisht natyra. Dhe për këtë arsye, Kushner thotë se kanë angazhuar inxhinierët më të mirë në Europë për programet e duhura për ruajtjen e mjedisit. Kushner thotë se bukuria natyrore është e jashtëzakonshme dhe se vendndodhja është mrekullueshme pikërisht në zemër të Mesdheut. Kushner thekson se projekti ka përqafuar ambientin lokal dhe se do të realizojnë diçka spektakolare.
Pyetje: Na trego më shumë për këtë projekt, që ndodhet ndoshta në një nga zonat më të bukura të vendit, por edhe të Mesdheut. Mund të na tregoni më shumë për projektin dhe si planifikoni të ruani mjedisin natyror përmes procesit të zhvillimit?
Kushner: Ajo që e bën këtë zonë kaq të veçantë është pikërisht natyra që ka. Prandaj kemi angazhuar një nga inxhinierët më të mirë në Europë për të na ndihmuar me programet e duhura të ruajtjes së mjedisit. Nëse nuk e respektojmë ambientin, zhvillimi që do të bëjmë atje nuk do të jetë i veçantë. Duhet të sigurohemi që e ruajmë realisht mjedisin. Ka madje një histori që thotë se po pengonim një deltë lumi, por ajo ishte shumë milje larg dhe nuk kishte lidhje me projektin tonë. Mendoj se kemi arritur të bindim njerëzit për këtë. Kur të publikojmë planet, do të shihet si kemi përqafuar ambientin lokal dhe jemi përpjekur të bëjmë diçka që ruan gjithçka. Por gjithçka ka të bëjë me vendndodhjen – 60 milje nga Italia, 60 milje nga Korfuz – dhe siç thashë, do të hapet një aeroport i ri shumë afër. Vetëm 10 minuta larg projektit. Bukuria natyrore është e jashtëzakonshme, vendndodhja është e mrekullueshme dhe jemi pikërisht në zemër të Mesdheut. Por, për shkak të historisë së keqe të vendit deri në vitet ’90, Shqipëria mbeti e pazhvilluar. Dhe nuk të jepet shpesh mundësia të ndërtosh diçka të re në Mesdhe, ku gjithçka është zhvilluar dhe mbirregulluar, ku asgjë nuk mund të ndërtohet më. Kështu që të gjitha këto po bashkohen, dhe mendoj se kjo ka shumë kuptim. Kemi investuar shumë kohë, përpjekje dhe kapital për ta çuar përpara këtë projekt dhe mendoj se do të arrijmë të bëjmë diçka spektakolare", tha Kushner.
Dhëndri i presidentit amerikan Donald Trump, Jared Kushner, ka treguar se si është njohur me kryeministrin shqiptar, Edi Rama, teksa është shprehur tejet i impresionuar nga vizioni i këtij të fundit për të transformuar Shqipërinë.
Gjatë një fjale të mbajtur online në Forumin “Future Investment Initiative”, Kushner, i cili është një nga folësit e Forumit, tregoi historinë se si është njohur fillimisht me kryeministrin Edi Rama dhe se sa impresionues i është dukur projekti që kreu i Qeverisë shqiptare ka pasur në mendje për zhvillimin e vendit.
“Pra, si të gjitha gjërat në jetë, çdo gjë merr rrjedhën e vet. Isha me pushime pasi u larguam nga qeveria (amerikane. Red) në verën e vitit 2021. Ishim në varkën e mikut tonë, Matt Rothschild, na morën në Mal të Zi dhe pastaj filluam të lundronim për në Korfuz dhe kaluam disa ditë në Shqipëri”, shpjegon fillimisht Kushner rreth situatës.
Ai më pas tregon se një nga netët atje, kryeministri Rama i shkoi në jaht.
“Nuk e kisha takuar kur isha në qeveri, por isha shumë, shumë i impresionuar nga vizioni i tij për atë që donte të bënte me Shqipërinë, unë vërtet nuk dija asgjë për vendin”, pohon Kushner rreth takimit.
“Nuk e kuptoja historinë dhe errësirën e komunizmit dhe lidershipit të tmerrshëm që në fakt e çoi atë vend në pazhvillimin e plotë si komb, por Edi hyri në jaht dhe një nga gjërat interesante që më tërhoqi ishte fakti se ai dukej si një politikan shumë i aftë, një lider shumë i fortë dhe i zgjuar”.
“Por – shpjegon Kushner – edhe fakti që, meqenëse ai ishte një artist në të shkuarën, mendova se do të ishte shumë interesante të shihja se si po e drejtonte vërtet një vend dhe po e ndërtonte një artist, dikush me shije të mahnitshme dhe kreativitet të madh. Dhe kështu u intrigova nga kjo”.
Kushner: E kuptoj historinë dhe errësirën e saj, me komunizmin dhe udhëheqjen e tmerrshme, që në fakt çoi në një zhvillim të pamjaftueshëm si për një vend aziatik. Por Ali Kimi më tërhoqi sepse më dukej si një politikan shumë i aftë dhe i fuqishëm. Ishte ndërtuar nga një artist, dikush me shije të jashtëzakonshme dhe kreativitet të madh. Kjo më intrigoi. Pastaj, përpara se të shkonim në Korçë, u ndalëm në Berat, që ishte një pamje spektakolare dhe më dha ndjesinë e potencialit të madh që ka ky vend. Ka kaq shumë bukuri të jashtëzakonshme – uji, notuam shumë, bëmë shumë ecje. Vendi ka një bukuri natyrore të pabesueshme, por dukej sikur askush nuk e njihte apo e kuptonte. Nuk mendova shumë për të për një vit. Pastaj, rreth një vit më vonë, nisëm të shikonim mundësi në Ballkan, dhe partneri që udhëhiqte këtë iniciativë më tha: "Le të shkojmë në Shqipëri." Kisha një përvojë shumë të mirë atje. Shkuam të shihnim nëse kishte ndonjë mundësi. U tërhoqëm menjëherë nga vendi ku po ndërtohej aeroporti në Vlorë. Dhe është e qartë që një vend që ndërton një aeroport buzë detit, e bën këtë në vendin që mendon se është më i bukuri. Pra shkuam atje, kërkuam për mundësi, dhe gjetëm disa mundësi të jashtëzakonshme. E gjithë kjo nisi nga një pasion, dhe nga dëshira për të ndërtuar diçka që mendojmë se mund të jetë vërtet unike në botë”,- tha Kushner.
PYETJE: Ju jeni një ekspert në kuptimin e qeverive dhe trendeve në vende të ndryshme. Si u ndjetë rehat në këtë treg? Dhe deri më sot, si është përvoja juaj në terren? Sepse kemi folur shumë për ju, por ju jeni personi që po e realizon këtë.
Kushner: Si shumë gjëra që përfundojnë mirë, ka momente kur mendon: "A ia vlen vërtet kjo? Pse po e bëj këtë?" Por isha shumë i intriguar. Kaluan rreth një vit duke kuptuar tregun, demografinë, trendet – vendi po rritet me dyfishin e ritmit të Europës. Por pastaj duhej të pyesnim: A është ky një vend që, ndonëse ka një reputacion të përzier historikisht, do të jetë një vend i pastër? A do të bëjë qeveria atë që premton? A do të marrësh lejet pa “lojëra të pista”? A do t’i mbajnë premtimet? Kaluan një vit duke njohur vendin, duke kuptuar tregun para se të angazhoheshim. Partneri im, Asher, që ka udhëhequr këtë projekt, ishte njeriu me këmbët në tokë. Por sa më shumë punonim në dizajnin e projektit, aq më shumë dashuroheshim me atë që po krijonim, dhe ndjemë që ambienti ishte perfekt. Por pa punën e shkëlqyer të ekipit në terren, të partnerëve tanë në Shqipëri, dhe... të qeverisë që krijoi një ambient shumë pro-rritjeje, nuk do të kishim hyrë në projekt. Dhe një nga pohimet më të mira ishte kur... Kur u bë publike që po e zhvillonim këtë projekt, “Neë York Times” tha: “Ka një sërë ligjesh që janë ndryshuar që ndihmojnë projektin tuaj. A ndodhën për ju këto?” Dhe unë thashë: “Nuk dija asgjë për këto ligje.” Por partneri im më tha se këto ishin arsyet pse vendosëm të ecnim përpara. “Neë York Times” e pranoi që këto ishin ligje pro-zhvillimit. Këto janë ligje që vendosen për të inkurajuar zhvillimin dhe ndryshimin. Dëgjoja panelin e fundit ku flisnin për çfarë duhet bërë që zonat të zhvillohen, dhe qeveria shqiptare po bën pikërisht këto gjëra – tërheqje investimesh, fitime, mirëqenie që sjell vëmendje, që sjell luftë kundër terrorizmit, rritje të vendeve të punës, rritje pagash. Pra, po ndodhin të gjitha gjërat e duhura, dhe ndihem shumë krenar që e ndaj këtë. Marr shumë komente pozitive nga shqiptarët sa herë që vij në vend. Shumë prej tyre më falënderojnë që i kam sjellë kaq shumë promovim vendit të tyre, të cilin unë e konsideroj një thesar të vërtetë.
Komente
