TIRANË- Shqipëria do të vijojë përpjekjet për rivendosjen e integritetit territorial, sovranitetit, pavarësisë dhe lirisë së Ukrainës, si edhe për ta mbajtur Rusinë përgjegjëse për krimet e kryera në Ukrainë.
Kështu u shpreh Ministri për Evropën dhe Punët e Jashtme, Igli Hasani, në deklaratën e përbashkët për media me Ministrin e Punëve të Jashtme të Ukrainës, Dmytro Kuleba, pas zhvillimit të takimit dypalësh.
Hasani përsëriti sërish mbështetjen për sovranitetin, lirinë pavarësinë, tërësinë territoriale të Ukrainës.
‘Shqipëria dënon me forcë agresionin rus ndaj Ukrainës dhe do të vijojë përpjekjet për ta mbajtur Rusinë përgjegjëse për krimet e kryera në Ukrainë.’- tha Hasani.
Ministri tha se Shqipëria mbështet planin me 10 pika të presidentit Zelensky, si mundësia më reale për dhënien fund të luftës dhe arritjen e një paqeje të qëndrueshme.
‘Së bashku me aktorë dhe vende të tjera, kemi marrë tashmë angazhimin për bashkëpunim në realizimin e Pikës 5 që Ka të bëjë me “Rivendosjen e tërësisë territoriale dhe sovranitetit të Ukrainës”, si një nga objektivat më imediatë të përfundimit të luftës. Jemi në koordinim të plotë me të gjitha vendet tona partnere dhe aleate për përballimin e situatës në mbështetje të plotë për Ukrainën.’- tha Hasani.
Hasani nënvizoi se Shqipëria ka vendosur si përparësi të punës së saj trajtimin e situatës në Ukrainë dhe dënimin e agresionit rus, në të gjitha forumet ndërkombëtare, siç kemi bërë gjatë periudhës dy-vjeçare në Këshillin e Sigurimit të OKB-së, siç po veprojmë në kuadër të anëtarësisë tonë në KDNJ, apo edhe organizmat rajonale, ku këtë vit kemi edhe kryesimin e nismave të BSEC, CEI, Karta e Adriatikut.
Ministri bëri me dije se janë në fazën e përgatitjeve teknike për hapjen e Ambasadës së Shqipërisë në Kiev, duke mbajtur në vëmendje edhe situatën e sigurisë në kryeqytetin e Ukrainës, por shpresojmë që inaugurimi të ndodhë në Pak muajt e ardhshëm.
Nga ana tjetër ministri i Jashtëm i Ukrainës, Dmytro Kuleba e konsideroi Shqipërinë si një vend mik.
'Është mirë të jesh në Tiranë si pjesë e delegacionit të Zelenskyt. U jam mirënjohës që organizuat këtë samit të rëndësishëm se përfshin një volum të madh pune. Ky samit tregon se sa vlerësim gëzon Shqipëria në rajon, dërgon një mesash të qartë se do mbetemi të bashkuar. Diskutuam bashkëpunimin dy palësh. Shqipëria mike e mirë e Ukrainës. Dua të falë Shqipërinë për ndërmarrjen e saj humanitare që përfshiu rehabilitimin e fëmijëve ukrainas, prindërit e të cilëve janë varrë në luftë. Çdo mbështetje që Shqipëria ofron është e vlerësuar.'- tha Kuleba.
Ministri Kuleba shprehu mirënjohje për mbështetjen e vazhdueshme të Shqipërisë ndaj Ukrainës, kryesisht gjatë mandatit të saj dy-vjeçar në Këshillin e Sigurimit të Kombeve të Bashkuara.
“I uroj Shqipërisë suksese dhe një integrim sa më të shpejtë në Bashkimin Evropian, të cilin me të drejtë vendi juaj e meriton”, tha MPJ ukrainas.
Shqipëria me ambasadë në Kiev brenda vitit
Dy ministrat konfirmuan vullnetin e tyre për forcimin e mëtejshëm të marrëdhënieve dypalëshe, duke synuar rritjen e bashkëpunimit ekonomik midis vendeve tona, si edhe dëshirën për inaugurimin e Ambasadës së Shqipërisë në Kiev sa më parë brenda këtij viti.
Marrëveshje për punësimin e familjarëve të misioneve diplomatike
Ministri Hasani dhe Ministri Kuleba firmosën marrëveshjen “Për punësimin fitimprurës të anëtarëve të familjes së anëtarëve të misioneve diplomatike ose posteve konsullore”.
Marrëveshja ka si qëllim kryesor mundësimin dhe lehtësimin e punësimit të anëtarëve të familjes së anëtarëve të misioneve diplomatike ose posteve konsullore mbi bazë reciprociteti, në përputhje me legjislacionin e të dy vendeve.
Ministri Kuleba ndodhet në Shqipëri, në kuadër të pjesëmarrjes në Samitin e vendeve të Evropës Juglindore me Ukrainën që mbahet sot në Tiranë.
Ministri i jashtëm Igli Hasani po mban një konferencë të përbashkët me homologun e tij ukrainas Dmytro Kuleba.
Ministri i Jashtëm ukrainas Dmytro Kuleba u prit nga ministri Hasani, ndërsa ndodhet në Tiranë në kuadër të samitit për Ukrainën.
Teksa shprehu mbështetjen për Shqipërinë, Kuleba bëri edhe një gjest të veçantë. Ministri ukrainas përshëndeti në shqip duke shprehur mirënjohjen vendin tonë “Faleminderit të dashur miq!'- tha Kuleba. Ndërsa Hasani iu kthye 'Slava Ukraina”, tha Kuleba.
Ministri i Jashtëm ukrainas, Dmytro Kuleba ndodhet në Tiranë në kuadër të samitit për Ukrainën që po zhvillohet në vendin tonë. Kuleba u prit nga homologu Igli Hasani, ndërsa në një deklaratë për mediat falënderoi Shqipërinë për mbështetjen që ka dhënë ndaj Ukrainës.
Kuleba u ndal edhe tek mandati i Shqipërisë në Këshillin e Sigurimit, ndërsa tha se Rusia duhet të dënohet si përgjegjëse për krimet e luftës në Ukrainë.
Shqipëria dhe Ukraina, tha Kuleba, janë dy vende europianë dhe do bashkërendojnë ngushtë sa i takon rrugëtimit në Bashkimin Europian.
“Më kujtohet me mirënjohje të posaçme, mandati i Shqipërisë në KS në këto dy vite dhe mënyra se si keni marrë pjesë në diskutimet për Ukrainën dhe takimi në KS ku Rama kryesoi mbledhjen në mënyrë elokuente e efikase në 2023. Sot informova ministrin për situatën në front dhe sulmet me dron e raketa të Rusisë çdo ditë duhet të mbahet përgjegjësie për krimet e luftës, do donim të intensifikonim përpjekjet tona në këtë drejtim. Vlerësojmë që Shqipëria është bashkuar në regjistrin kombëtar të dëmeve të shkaktuara nga Rusia në Ukraine. Ukraina dhe Shqipëria janë dy vende evropiane të bashkuara na vlera të përbashkëta europiane. Ramë dakord që të bashkërendojmë ngushtë sa i takon rrugëtimit tonë europian”, tha Kuleba.
Komente
Kosoven do e njohin kto? Apo qja qr te kapim ndonje lek edhe ktej nga Ballkani. Nuk kemi ndonje perfitim nga Ukraina, edhe po hyri ne BE sherrin do ja shohe Europa edhe ne.
Përgjigju