Sarandë-Një 28 vjecar nga Tirana është plagosur nga helika e skafit me të cilin lundronte.
Ngjarja mësohet se ka ndodhur të mërkurën e 17 korrikut, rreth orës 14.23. Pas telefonatës për ndihmë në Sallën Operative, ka qenë skafi i Komisariatit të Policisë Kufitare Sarandë, që ka gjetur të dëmtuarin në afërsi të Kepit të Qefalit dhe e ka imbarkuar.
I riu me inicialet A. T, është transportuar me autoambulancë drejt Spitalit të Sarandës, ku ka marrë ndihmën e parë dhe ndodhet jashtë rrezikut për jetën. Mjeti lundrues ishte marrë me qira dhe drejtohej nga personi me incialet A.N.
"Është bllokuar në portin e Sarandës, mjeti lundrues skaf, si dhe janë vendosur masat administrative 100 000 lekë për pronarin, shtetasin A. D., pasi nuk ishte i pajisur me licencë nga operatori turistik, dhe 10 000 lekë për drejtuesin e mjetit lundrues, shtetasin A. N., i cili nuk ishte i pajisur me dokumentacionin e nevojshëm për posedimin dhe përdorimin e mjetit lundrues", thuhet në njoftimin e policisë.
Xh.K/ReportTv.al
![](https://www.report-tv.al/template/img/antipiracynote.jpg)