Sassuolo shokon Interin e mund 2-1 në “San Siro” dhe i prish ëndrrën Champions. Në një stadium plot ku pritej vetëm fitorja ziklatër madje edhe me goleadë Interi fundoset ndoshta në momentin më të bukur. Sassuolo e mbyll pjesën e parë në avantazh falë golit të Politano ndërsa në pjesën e dytë dyfishon me një gol shumë të bukur të Domenico Berardi. Goli i Rafinha nuk vlen asgjë pasi janë miqtë që marrin tre pikët. Championsi mbetet një mirazh për Interin ndërsa zyrtarisht pjesë e këtij kompeticioni për sezonin e ardhshëm bëhet Roma.
Në Spanjë Real tregon se është në formë për finalen e Kievit.
Në “Bernabeu” madrilenët e mbyllin me goleadë sezonin pasi mposhtën 6-0 Celta Vigon. Ai që shkëlqeu më shumë ishte Gareth Bale që shënoi dopietë në minutat 13-të dhe 30-të me dy gola njëri më i bukur se tjetri. Isco u rikthye nga dëmtimi dhe shënoi një supergol ndërsa Aschraf ,autogoli i Gomez dhe Toni Kross mbyllën llogaritë dhe i siguruan skuadrës së Zidane vendin e tretë në renditje.
Atletico Madrid ruan vendin e dytë pasi mposhti në transfertë Getafen 1-0 falë golit të mesfushorit Koke që në minutat e para. Tre pikët për skuadrën e Simeones i siguroi edhe portieri Jan Oblak që u priti një penallti vendasve.