Savarin me rrush të thatë
Përbërësit:
- 350 gr miell
- 1 lugë maja
- 4 lugë qumësht
- 50 gr gjalpë
- 2 vezë
- 1 bustinë vanilje
- 1 majë thike kripë
- 50 gr rrush të thatë
- Lëvore portokalli
Për shurupin:
- 150 gr sheqer
- 50 ml rum
- Lëngu i 1 portokalli
Për dekor:
- 3 lugë marmeladë portokalli
- 2-3 lugë ajkë
- Feta portokalli
Përgatitja:
Në masën e miellit të situr, hedhim majanë e ardhur me qumësht të vakët. Shtojmë vezët e tundura, sheqerin, vaniljen, lëvoren e portokallit të kaluar në rende, kripë dhe gjalpë të shkrirë. E trazojmë mirë derisa të formohet një brumë i ngjeshur, por i lëmuar. Shtojmë rrushin e thatë dhe brumin e ngjeshim duke i dhënë formën e rolesë dhe më pas të kurorës. E vendosim në një tavë keku të lyer me yndyrë. E mbulojmë me plastmas dhe e lëmë në vend të vakët për 1 orë, derisa të dyfishohet masa e brumit. Më pas e vendosim të piqet në furrë të nxehtë në 190 gradë për 30 minuta. Ndërkohë përgatisim sherbetin dhe të nxehtë e hedhim mbi savarin e pjekur dhe të ftohur (pasi e kemi shpuar në disa vende). Në fund nxehim marmeladën me 2 lugë ujë dhe me të lyejmë ëmbëlsirën. Në mes e zbukurojmë me ajkë të rrahur dhe në anësore vendosim feta portokalli të cilat i kemi zier me sherbetin.
Komente
