‘Vlerat dhe Visaret e Shqiptarëve ndër Shekuj të Mijëvjeçarëve’ është trilogjia e ambientalistit dhe gjeologut Sazan Guri, promovuar këtë të mërkurë në Muzeun Historik Kombëtar. Në fjalën e tij, Sazan Guri flet mbi përmbajtjen e këtyre librave të ardhur në formë studimesh, duke thënë se në fokus është njohja e vlerave të shqiptarëve ndër shekuj.
Kam shkruajtur një javë, dy javë, i kam shkruajtur për ta kuptuar dhe njerëzit me 9 klasë. Çdo njeri nuk ka nevojë për të qenë historian, s’ka nevojë. Libri do shkojë në Kanada e Australi për t’u thënë fëmijëve kush jeni. Thotë Gëtja: Njeriu është i vjetër aq sa historinë e vetë.
Sazan Guri, autor i librit, ambientalist
Presidenti Ilir Meta, i ftuar nderi në këtë aktivitet vlerësoi punën e bërë nga Sazan Guri dhe tha se mesazhi që përcjell trilogjia e tij është mjaft domethënëse.
Nuk është nga ata që i pranojnë të vërtetat të gatshme. Është kërkues në vazhdim të edukimit të parë dhe të shkollimit të para si gjeolog. Misioni në këtë trilogji të profesor Sazan Guri është i një dimensioni kombëtar.
Ilir Meta, President