Edhe pas furnizimit amerikan me raketa Atacms në Ukrainë dhe thirrjeve polake për ta rishqyrtuar, kancelari gjerman Olaf Scholz përsëriti 'jo' për dërgimin e raketave Taurus në Kiev.
"Vendimi im mbetet i pandryshuar," tha Scholz, duke folur në një konferencë për shtyp në Berlin së bashku me kryeministrin e Malit të Zi, Milojko Spajiç.
Ndërsa më tej kancelari iu përgjigj një pyetjeje bazuar në deklaratat e Ministrit të Jashtëm polak Radoslaw Sikorski, i cili, në edicionin e së dielës të Bild (BamS), tha:
"Shpresoj që kancelari të ndihet i inkurajuar nga ngjarjet e ditëve të fundit", duke folur me nënkuptim për dërgimin e raketave taktike amerikane siç raportohet nga agjencia Dpa.
Në Konferencën e Sigurisë në Mynih në muajn shkurt, Ministri i Jashtëm ukrainas Dmytro Kuleba tha se Atacms dhe Taurus janë të vetmet armë që mund të përdoren për të luftuar efektivisht logjistikën ruse pas vijës së frontit.
