Një 17 vjeçar shqiptar i cili akuzohet se së bashku me një grup personash të tjerë kanë abuzuar seksualisht me bashkëmoshatarin e tyre, është arratisur drejt Shqipërisë.
Lajmi është bërë i ditur nga mediat greke, ku thuhet se për ngjarjen e rëndë deri më tani janë arrestuar 6 persona. Të arrestuarit pranuan se kishin kryer akte seksuale me 15 vjeçarin por pa ushtruar dhunë. Ndërsa tjetër i mitur është liruar nga policia për shkak se nuk kishte mbushur ende 15 vjeç dhe si pasojë është vënë nën monitorim nga efektivët.
Për shqiptarin është lëshuar një urdhër arresti por më tej thuhet se sapo e ka marrë vesh për ngjarjen, ai është arratisur drejt Shqipërisë ndërkohë që identiteti i tij ende nuk bëhet i ditur.
Komento
