Sekretari amerikan i Shtetit, Marco Rubio, shfrytëzoi samitin e NATO-s ku shefi i saj priti kryediplomatët e vendeve anëtarë të aleancës për të thënë atë që shumë shtete shpresonin të dëgjonin qartë sa I takon angazhimit të SHBA në NATO dhe për sigurinë e aleatëve.
Rubio përmendi vdekjen 3 ushtarëve amerikanë në një stërvitje të NATO-s në Lituani si shembull se SHBA janë aktive në NATO.
"SHBA janë në NATO. Jemi aktiv në NATO siç kemi qenë gjithnjë. Kjo histeri e hiperbolizuar që dëgjohet në mediat botërore dhe në disa amerikane është e pajustifikuar. Presidenti e ka bërë të qartë që ai e mbështet NATO-n dhe se do qëndrojmë aty. Ai e ka bërë të qartë këtë. Por ne duam që NATO të jetë më e fortë dhe më e gjallë. Dhe duam që aleatët tanë të jenë më të aftë",-tha Rubio.
Sekretari i Përgjithshëm i NATO-s, Mark Rutte, në nisje të samitit të NATO-s me ministrat e Jashtëm të vendeve anëtare, vlerësoi ndihmën amerikanë të deritanishme por mbi të gjitha faktin që pozicionimi i ri amerikan vuri në lëvizje shtetet evropiane sa i takon shpenzimeve për mbrojtjen.
Komente
