Pas deklaratës së presidentit Ilir Meta se ”Edhe fëmijët e mi të shuhen si të Adem Jasharit nëse është nevoja për ta mbrojtur Shqipërinë”, ka reaguar Sekretari i Organizatës për Veteranët e Luftës së UÇK-së Faton Klinaku.
Përmes një postimi në Facebook, Klinaku e ka quajtur këtë një gafë të madhe të presidentit dhe të rrezikshme.
“Meta: “Edhe fëmijët e mi të shuhen si të Adem Jasharit nëse është nevoja për ta mbrojtur Shqipërinë”. Përveçse është huqje e madhe kjo e Presidentit, sepse krahason luftën e tij për pushtet me atë të Familjes Jashari, është edhe e rrezikshme”, ka shkruar Klinaku.
Retorika politike e presidentit Ilir Meta për zgjedhjet e 25 Prillit dhe krahasimi i situatës politike në vend me luftën për liri në Kosovë, ka habitur opinionin publik ngado.
Ditën e djeshme presidenti i dha deklaratat e tij gjatë një intervistë në ONE TV u shpreh
“Ka dy institucione qe nuk tunden, populli dhe Presidenti i Republikës. Ilir Meta para Shqipërisë nuk pyet as për fëmijët e tij. Edhe fëmijët e Ilir Metës të shuhen si fëmijët e Adem Jasharit, po qe nevoja për të mbrojtur Shqipërinë,“-tha Meta.
