Një sasi prej 320 kg kanabis e cila u kap nga Policia Greke në Korfuz ditën e djeshme mësohet të jetë nisur nga bregdeti i Sarandës.
Dy shqiptarë u përpoqën ta fshehin sasinë narkotike në plazhin e Dassias ndërkohë që policia ka ndërhyrë menjëherë duke arrestuar njërin prej tyre, një 62-vjeçar.
Ndërkaq siç bëjnë të ditura burimet greke, transportuesit shqiptarë janë larguar pa lënë gjurmë me skaf.
Ka qenë një operacion i organizuar policor në Korfuz, nga oficerë policie të Departamentit të Antidrogës të Nën-Drejtorisë së Sigurisë së Korfuzit.
Burimet greke konfirmojnë se sasia prej 320 kg kanabis ishte nisur nga brigjet e Sarandës. Policia greke ka ndërmarrë hetim disa mujor për të gjetur qarqet e organizuara të trafikut të drogës në vijën bregdetare verilindore të ishullit të Korfuzit.
Siç doli nga hetimi i deritanishëm i policisë, sasia e drogës u transportua dhe iu dorëzua shqiptarit pak para arrestimit të tij, duke përdorur dy skafe (tip jet ski) që ishin afruar në plazhin ku u zhvillua operacioni.
Komente
Hajde se sa te jete Gent Selami ne policine e Sarandes vazhdon hashashi lume per ne Greqi,ka 15 vjet qe vazhdon " punen" e se can b... nga njeri se con "pjesen" ne Tirane.Eshte bere rrap ne Sarande e se shkul dot me njeri .
Përgjigju