Një listë e gjatë prej 31 pasurish me vlerë 20 milionë euro u sekuestruan nga Prokuroria e Tiranës në emër të biznesmenit Paulin Marku i njohur edhe si Ndue Gjergji, i vrarë në qershor të 2020 së bashku me një biznesmen tjetër nga një grup personash të maskuar me uniforma policie në qytetin e Laçit.
Organi i akuzës dorëzoi kërkesën në gjykatë me dyshimet se asetet në emër të Markut dhe të afërmve të tij janë krijuar nga vepra penale e Pastrimit të parave me të ardhura nga veprimtaria kriminale.
Procedimi penal është regjistruar në vitin 2018 dhe më pas procedimi pasuror nr 03 nga ana e Seksionit për Pastrimin e Parave pranë Drejtorisë së Policisë së Qarkut Tiranë, është grumbulluar informacion për një rast të dyshimtë për "Pastrim të produkteve të veprës penale ose të veprimtarisë kriminale”.
Paulin Marku, i njohur edhe me emrin Ndue Gjergji sipas akuzës, para vrasjes ka qenë pjesë e një grupi kriminal i cili aktivitet kryesor kishte trafikimin e lëndëve narkotike. Prokuroria thotë se ka identifikuar pasuritë e tij të cilat nuk justifikohen nga dhe dyshohet se lidhen dhe rrjedhin nga veprimtaria kriminale që ka kryer i dyshuari.
Paulin Marku ndodhej në një lokal mbrëmjen e 30 majit 2020 bashkë me shtetasin Bujar Hasani i njohur edhe me mbiemrin Lika, kur u ekzekutuan me 5 plumba. Kamerat e sigurisë fiksuan katër autorët, të maskuar dhe të veshur si police të cilët kanë lëvizur me një makinë tip 'Golf 5'.
Ndue Paulin Gjergji
M.Q.//ReportTv.alKomente
![](https://www.report-tv.al/template/img/antipiracynote.jpg)
Keni vene rd ju qe si shum biznesmen vriten ne Shqiperi? E kur kontrollojn si I ka bo leket na del qe nuk kan vjel ullinj ne greqi ose domate ne itali. Po te kishin bere keto lloj punesh do ishin gjall akoma...ndoshta
Përgjigju