Kronikë

Sekuestrohen dy mina me telekomandë në Durrës, arrestohet i riu, do i shiste 2000 euro (VIDEO)

23 Dhjetor 2020, 14:36| Përditesimi: 3 Janar 2021, 13:45

  • Share

Në Durrës janë sekuestruar 2 mina me telekomandë, ndërsa është arrestuar një i ri.

I riu lëvizte me lëndë eksplozivi me vete dhe dyshohet se do t'i shiste me çmimin 2000 euro.

29 vjeçari i arrestuar me iniciale V. N banues në Sukth, Durrës, është dënuar më parë për veprën penale "Kundërshtimi i punonjësit të policisë".

Mbi të riun rëndojnë veprat penale "Mbajtja pa leje e armëve, armëve shpërthyese dhe e municionit".

Njoftimi i policisë:

Finalizohet operacioni policor i koduar "Telekomanda".  Sekuestrohen 2 mina me telekomandë. Arrestohet në flagrancë poseduesi i tyre, i cili do t’i shiste kundrejt fitimit.

Shërbimet e Komisariatit të Policisë Durrës, në vijim të punës për goditjen e paligjshmërisë dhe rritjen e parametrave të sigurisë në qytet, në bazë të informacione që dispononin se një shtetas lëvizte me lëndë eksplozivi me vete, organizuan punën dhe finalizuan operacionin e koduar "Telekomanda", si rezultat i të cilit u arrestua në flagrancë shtetasi:

V. N., 29 vjeç, banues në Sukth, Durrës, i dënuar më parë për veprën penale "Kundërshtimi i punonjësit të policisë". Shërbimet e Policisë e kanë ndaluar shtetasin V. N. në afërsi të vendit të quajtur "Muzeumi" dhe gjatë kontrollit fizik i kanë gjetur dhe sekuestruar në cilësinë e provës materiale 2 mina me telekomandë, të cilat ky shtetas do t’i shiste me çmimin 2000 euro. Materialet i kaluan Prokurorisë së Rrethit Gjyqësor Durrës, për veprën penale "Mbajtja pa leje e armëve, armëve shpërthyese dhe e municionit".

1608731195_16087307480c3d07cdbc1743828748e77e7fd83d32.jpg

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?