Durrës-Plot 108 960 euro dhe 600 franga, janë sekuestruar në Portin e Durrësit, të cilat dyshohen se janë të ardhura nga aktivitet kriminal.
Sipas njoftimit të policisë në kuadër të këtij operacioni u arrestua Jahje Zebi.
Paratë e padeklaruara nga 40-vjeçari u gjetën në furgonin e mallrave që ai drejtonte, konkretisht në një çantë rrobash, të mbledhura brenda me një palë pantallona xhins.
Shuma e parave u gjet nëpërmjet nuhatjes së qenit të kufirit.
Si provë materiale u sekuestruan paratë, 2 celularë dhe pasaporta e tij.
Para tre ditësh blutë sekuestruan 223 200 euro po të ardhura nga aktiviteti kriminal, teksa në pranga u vendos Mariglen Daiu.
"Shërbimet e Policisë Kufitare të portit të Durrësit, si rezultat i intensifikimit të kontrolleve dhe verifikimeve të imtësishme në hyrje/dalje të Shqipërisë, me objektiva parandalimin dhe goditjen e krimeve ne kufi, në bashkëpunim me autoritetet doganore, finalizuan fazën e dytë të operacionit policor të koduar “Aseti".
Gjatë operacionit u arrestua në flagrancë shtetasi Jahje Zebi, 40 vjeç, banues në Dibër. Gjatë kontrollit në vijën e dytë, në furgonin që drejtonte ky shtetas, u gjetën 108 960 euro dhe 600 franga, që tentonte t’i fuste në Shqipëri, pa i deklaruar në PKK.
Në bashkëpunim me Prokurorinë dhe me partnerët, vijon puna për të dokumentuar burimin e parave të sekuestruara", njoftoi policia.
Materialet procedurale i kaluan Prokurorisë së Durrësit, për veprime të mëtejshme.
Komente
